Jean 2:13 - Mbeti ti Nzapa - Tënë so amu fini

¹³ Matanga ti azuife so iri ni *Pake aga nduru awe, tongaso Jésus ague na Jérusalem.

Jean 2:13 ပူးပေါင်းရင်းမြစ်များ

Néhémie 13:8

Ngonzo asara mbi mingi si mbi mu agbakuru ti Tobia so ayeke na ya ti kubu ni, mbi tuku na gigi.

Matthieu 21:12

Jésus ali na ya ti kota da ti Nzapa si lo tumba azo ti kango ye na azo ti vongo ye so ayeke na ya ni; lo kinda na sese ameza ti azo ti sanzengo nginza na angende ti azo ti kango *ambipa.

Marc 11:15

So ala si na Jérusalem awe, Jésus ali na ya ti kota da ti Nzapa si lo to nda ti tumba azo so ayeke ka ye na ala so ayeke vo ye na ya ti kota da ni. Lo kinda na sese ameza ti azo ti sanzengo nginza na angende ti azo ti kango *ambipa.

Nzoni Tënë so Luc asu na mbeti 19:45

Na pekoni, Jésus ali na ya ti kota da ti Nzapa si lo to nda ti tumba azo so ayeke ka ye na ya ni.

Nzoni Tënë so Luc asu na mbeti 2:41

Na ya ti ngu oko oko, babâ na mama ti Jésus ayeke gue na Jérusalem ndali ti *matanga ti Pake.

Jean 11:55

Andaa matanga ti azuife so ayeke *Pake aga nduru awe. Azo mingi alondo na akete kodro, ague na Jérusalem ti *sukula sioni ti ala kozoni si ala sara matanga ni.

Jean 13:1

Angba lango oko titene *matanga ti Pake asi. Jésus ahinga so ngbonga ti lo ti zia dunia so ti kiri na Babâ alingbi awe. Azo ti lo so ayeke na dunia so, lo ye ala lakue, lo ye ala ngbii asi na ndani.

Jean 2:23

So Jésus ayeke na Jérusalem, na *matanga ti Pake, azo mingi abaa aye ti kpene so lo sara si ala ma na be na lo.

Jean 5:1

Na pekoni, mbeni matanga ti azuife ayeke daa si Jésus ague na Jérusalem.

Jean 6:4

Andaa *Pake, so ayeke matanga ti azuife, aga nduru awe.

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.