Jean 2:10 - Mbeti ti Nzapa - Tënë so amu fini

¹⁰ si lo tene na lo: “Azo kue ayeke mu ka nzoni vin na azo kozoni, ala nyon alingbi na ala awe si na pekoni, ala mu na ala vin so ayeke nzoni kete. Me ti mo, mo bata nzoni vin ni ngbii asi na ndembe so!”

Jean 2:10 ပူးပေါင်းရင်းမြစ်များ

Tongo nda ti aye 43:34

Joseph amu mbeni mbage ti kobe so ayeke na ndö ti meza ti lo si lo yeke tokua ni na ala. Kobe ti Benjamin ahon ti atanga ni kue fani oku. Ala na Joseph anyon samba ngbii tere ti ala kue anzere.

Abia (Psaumes) 104:15

vin asara si tere ti zo anzere, asara si le ti zo aza ahon mafuta so zo asara na le ti lo; kobe akiri amu ngangu na zo.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Matthieu 24:49

si lo to nda ti pikango amba ti lo azo ti kua ni, ti te, ti nyon na azo so aga ngbaa ti samba,

Nzoni Tënë so Luc asu na mbeti 12:45

Me tongana zo ti kua ni atene na be ti lo, atene: ‘Makonzi ti mbi ayeke ga ande hio pepe’ si lo to nda ti pika akoli na awali so ayeke sara kua kâ, lo yeke te, lo yeke nyon si lo ga ngbaa ti samba,

Nzoni Tënë so Luc asu na mbeti 16:25

Abraham atene na lo: ‘Molenge ti mbi, ayeke nzoni mo dabe ti mo so ando na ndö ti sese, mo baa nzoni si Lazare abaa ti lo sioni. Fadeso be ti lo ade awe, me ti mo, mo yeke baa pasi.

Awatokua 2:15

Azo so anyon samba ahon ndö ti ala pepe, tongana ti so ala yeke tene na be ti ala so. Biani, e yeke gi na ngbonga gumbaya ti ndaperere.

1 Korente 11:21

Biani, zo oko oko ayeke do tere ti te kobe ti lo wani, ambeni zo ayeke ngba na nzara si samba ayeke sara ambeni.

Efeze 5:18

Ala nyon samba ahon ndö ti ala pepe: nyongo samba ahon ndoni ayeke buba gigi ti ala; me ala zia lege na Yingo-Vuru ti si ala singo.

1 Tesalonike 5:7

Azo so ayeke lango, ala yeke lango na bi; azo so ayeke nyon samba si ahon ndö ti ala, ala yeke nyon ni na bi.

Aye so Nzapa afa 17:2

Agbia ti sese asara aye ti ndumba na lo; azo ti dunia kue anyon vin ti aye ti ndumba ti lo si ayeke sara ala.”

Aye so Nzapa afa 17:6

Mbi baa wali ni, lo nyon mene ti azo ti Nzapa na mene ti azo so a fâ ala, ngbanga ti so ala mu peko ti Jésus. Mene ni ayeke sara lo tongana samba. So mbi baa lo tongaso, li ti mbi kue akpe.