Jean 19:9 - Mbeti ti Nzapa - Tënë so amu fini

⁹ Lo kiri lo li na da si lo hunda Jésus, lo tene: “Mo londo ti mo na ndo wa?” Me Jésus akiri tënë na lo pepe.

Jean 19:9 ပူးပေါင်းရင်းမြစ်များ

Ésaïe 53:7

Azo asara ngangu na lo, lo sara tere ti lo kete, lo zi yanga oko pepe. Lo yeke tongana kete taba so a yeke gue na lo na ndo ti fango anyama; lo yeke tongana taba so ayeke buburu na dawa ti azo ti fango kua ti tere ti lo, lo zi yanga oko pepe.

Matthieu 26:63

Me Jésus azi yanga oko pepe. Kota wayango-sandaga atene na lo: “Mbi hunda na mo ti deba yanga ti mo, na iri ti Nzapa so ayeke na fini, mo tene na e: Mo yeke *Mesii, Molenge ti Nzapa?”

Matthieu 27:27

Aturugu ti govoronere amu Jésus, ague na lo na yangbo ti govoronere ni si tanga ti aturugu ni kue abongbi na tere ti lo.

Nzoni Tënë so Luc asu na mbeti 23:9

Lo hunda Jésus na atënë mingi mingi, me Jésus akiri tënë oko pepe.

Jean 18:28

Na ndaperere, ala mu Jésus na ndo ti Kaife, ague na lo na da ti govoronere. Amakonzi ti azuife ali na da ni pepe, ngbanga ti so ala ye ti bata tere ti ala *nzoni si ala lingbi ti te kobe ti *Pake.

Jean 18:33

Pilate ali na da si lo iri Jésus, lo hunda lo: “Mo yeke gbia ti azuife?”

Jean 18:34

Jésus akiri tënë na lo: “Tënë so mo hunda so, alondo na be ti mo wani wala ambeni zo laa atene tënë ni na ndö ti mbi na mo?”

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”

Jean 19:10

Tongaso, Pilate atene na lo: “Taa mbi laa mo ke ti zi yanga na mbi? Ayeke nzoni mo hinga, mo tene, mbi yeke na ngangu ti zi mo, mbi yeke nga na ngangu ti mu yanga titene a fâ mo na ndö ti keke ti kroa.”

Jean 19:8

So Pilate ama tënë so, mbeto agbu lo ahon ndoni.

Jean 8:14

Jésus akiri tënë na ala: “Ataa mbi tene tënë na ndö ti mbi wani, tënë ti mbi ayeke taa-tënë, ngbanga ti so mbi hinga ndo so mbi londo daa nga na ndo so mbi yeke gue daa. Ti ala afarizien, ala hinga ndo so mbi londo daa pepe wala ndo so mbi yeke gue daa pepe.

Filipe 1:28

Ala mu lege na awato ti ala ti zia mbeto na be ti ala oko pepe. So laa ayeke fa atene, lege ti awato ti ala ni ayeke gue na ala na kuâ; me ti ala, azo ti Filipe, ye ni ayeke ga ande ye ti songo ala na kuâ, ngbanga ti so Nzapa laa asara titene ala soo kuâ.

Awafango-ngbanga 13:6

Wali ni ague si atene na koli ti lo: “Mbeni zo ti Nzapa aga na tere ti mbi, lo kpa ange ti Nzapa. Le ti lo amu mbeto mingi na zo. Mbi hunda ndo so lo londo daa si lo ga pepe; lo fa nga na mbi iri ti lo pepe.