Jean 19:18 - Mbeti ti Nzapa - Tënë so amu fini

¹⁸ Kâ laa aturugu akanga Jésus na ndö ti keke ti kroa. Ala kanga nga ambeni koli use na ndö ti akeke ti kroa, oko na mbage, oko na mbage; Jésus ayeke na popo ti ala.

Jean 19:18 ပူးပေါင်းရင်းမြစ်များ

Abia (Psaumes) 22:16

Lege ti go ti mbi ahole kasakasa tongana fango ta ti sese, be ti mbi ahole kue na nzara ti ngu. Mo zia mbi na yanga ti du ti kuâ awe.

Ésaïe 53:12

Ndani laa mbi mu na lo ndo na popo ti akota zo; ye so a gbu na peko ti bira, lo na azo ti ngangu laa ayeke kangbi ni. Biani, lo wani, lo ka tere ti lo na kuâ, a diko lo na popo ti azo ti sioni, ngbanga ti so lo yo siokpari ti gba ti azo, lo gbu koko ti azo ti sioni.

Matthieu 27:44

Ataa azo ti sarango sioni so a kanga ala na keke ti kroa na tere ti lo ayeke zonga lo gi tongaso nga.

Jean 18:32

Ye ni asi si tënë so Jésus atene na ndö ti mara ti kuâ so fade lo yeke kui aga taa-tënë.

Jean 19:32

Aturugu ague, akungbi agere ti kozo zo ni si ala kungbi nga agere ti use zo so a kanga ala na ndö ti keke ti kroa na tere ti Jésus so.

Awatokua 2:23

A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.