Jean 19:1 - Mbeti ti Nzapa - Tënë so amu fini

¹ Tongaso Pilate amu yanga titene a gue na Jésus si a pika lo na fimbo.

Jean 19:1 ပူးပေါင်းရင်းမြစ်များ

Abia (Psaumes) 129:3

Ala suru peko ti mbi na ka tongana ti so zo ti fango yaka ayeke suru ya ti sese gi na yongoro ni ti hon na ni.

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

Ésaïe 53:5

Me ti lo, ndali ti sioni ti e laa a kpo lo na ka, ndali ti siokpari ti e laa a nika lo. Pika so lo wara asara si e duti na siriri; ndali ti aka ti lo laa tere ti e aga nzoni.

Matthieu 20:19

ala yeke zia lo na maboko ti azo ti mbeni mara nde titene ala he lo, ala pika lo na fimbo si ala fâ lo na ndö ti keke ti kroa. Na lango ota ni, fade lo yeke zingo na kuâ.”

Matthieu 23:34

Ndani laa, mbi yeke tokua na ala awayanga-Nzapa, azo ti ndara na awafango-ndia. Ala, afarizien na awafango-ndia, ala yeke fâ ande ambeni si ala yeke fâ ambeni na ndö ti keke ti kroa. Ala yeke pika ambeni na fimbo na ya ti ada ti sambelango Nzapa ti ala si ala yeke tumba peko ti ala na ya ti agbata oko oko kue.

Nzoni Tënë so Luc asu na mbeti 18:33

Ala yeke pika lo na fimbo si ala yeke fâ lo. Na lango ota ni, lo yeke zingo na kuâ.”

Nzoni Tënë so Luc asu na mbeti 23:16

Fade mbi yeke mu yanga titene a pika gi lo pikango si mbi zi lo.” [

Nzoni Tënë so Luc asu na mbeti 23:23

Me ala ngba gi na ndö ti tënë ni si ala yeke dekongo titene lo fâ gi Jésus fango na ndö ti keke ti kroa; dekongo ti ala ni ahon ndö ti lo.

2 Korente 11:24

Fani oku, azuife apika mbi lege baleota na gumbaya.

Ahebro 11:36

A zonga ambeni, a pika ala na fimbo, a kanga ala na zingiri si a bi ala na da ti kanga.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.