Jean 18:14 - Mbeti ti Nzapa - Tënë so amu fini

¹⁴ Andaa Kaife laa amu lani wango na amakonzi ti azuife, atene: “Ayeke nzoni zo oko akui ndali ti azo ni.”

Jean 18:14 ပူးပေါင်းရင်းမြစ်များ

Matthieu 26:3

Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Awatokua 27:12

Na ndö ni kue, ndo ti lutingo ti amangboko ni ayeke nzoni pepe titene ala luti daa na ngoi ti de. Ndani laa mingi ti azo ti ya ti mangboko ni aye ti londo na ndo so ti mu le ti ngu ti gue na Fenize tongana lege ayeke daa. Fenize ayeke mbeni ndo ti lutingo ti amangboko so ayeke na zoa ti Krete, so abaa le na Mbongo-Do na Banga-Do. Ala ye ti duti kâ ngbii ngoi ti de ahon si.

Awatokua 27:9

So alango mingi ahon awe, tambulango na le ti ngu aga sioni, ngbanga ti so ngoi ti de asi awe. Andaa lango ti kengo kobe na ngoi ni so ahon awe, nilaa Paul amu wango na ala, lo tene: