Jean 18:11 - Mbeti ti Nzapa - Tënë so amu fini

¹¹ Me Jésus atene na Pierre: “Kiri na yongoro zeme ti mo na ya ti bozo ni. Kopo ti pasi so Babâ amu na mbi so, mo baa ti mo, mo tene, mbi yeke nyon ni ande pepe?”

Jean 18:11 ပူးပေါင်းရင်းမြစ်များ

2 Samuel 16:10

Me gbia atene: “Abishai, mo na ita ti mo Yoab, ti ala na mbi nyen? Tongana lo deba mbi, e hinga pepe, KOTA GBIA laa amu yanga na lo ti deba mbi. Zo wa laa alingbi ti tene na lo, atene: ‘Mo sara tongaso ngbanga ti nyen?’ ”

Abia (Psaumes) 75:8

ngbanga ti so Nzapa laa ayeke fâ ngbanga: lo yeke zia zo na kete ndo, lo yeke zia mbeni na kota ndo.”

Ezekiel 23:31

Mo mu gi lege ti sarango ye ti ita ti mo ti wali, Ohola. Ndani laa, gi oko kopo ti ngonzo ti mbi so lo nyon, ni laa mbi yeke mu na mo.

Matthieu 20:22

Jésus akiri tënë, atene: “Ala hinga ye so ala yeke hunda so pepe. Ala lingbi ti nyon kopo ti pasi so mbi yeke nyon ande so?” Ala tene na lo: “E lingbi ti nyon ni.”

Matthieu 26:39

Lo hon yongoro kete, lo ti, lo kpo li ti lo na sese, lo sambela, lo tene: “Babâ ti mbi, tongana lege ayeke daa, ayeke nzoni kopo ti pasi so ahon yongoro na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.”

Matthieu 26:42

Lo kiri lo gue yongoro ti fani use ni si lo sambela, lo tene: “Babâ ti mbi, tongana kopo so alingbi ti hon yongoro na tere ti mbi pepe si mo ye mbi nyon ni, ayeke nzoni mo sara gi ye so be ti mo aye!”

Nzoni Tënë so Luc asu na mbeti 12:30

Biani, azo ti dunia so ahinga Nzapa pepe laa ayeke gi aye so lakue. Me ti ala, Babâ ti ala ahinga atene, ayeke nzoni ala wara aye ni so ndali ti fini ti ala.

Nzoni Tënë so Luc asu na mbeti 22:42

lo tene: “Babâ, tongana mo ye, ayeke nzoni mo zi kopo ti pasi so na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.” [

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Jean 18:36

Jésus akiri tënë na lo: “Kodro-gbia ti mbi ayeke ti dunia so pepe. Tongana kodro-gbia ti mbi ayeke fade ti dunia so, ka azo ti mbi atiri bira ti kanga lege si azo aga na mbi na amakonzi ti azuife pepe. Me fadeso, kodro-gbia ti mbi ayeke ti ndo so ge pepe.”

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

2 Korente 10:4

Aye ti bira ti e alondo na zo ti sese so pepe, me ngangu ti aye ti bira ti e alondo na Nzapa si ayeke buba angangu gbagba ti bira. Atënë ti gbungo-li ti azo so ayeke na legeni pepe, e yeke buba ni.

2 Korente 6:7

na lege ti taa-tënë so e yeke fa nga na lege ti ngangu ti Nzapa. Ye ti bira ti e na ye ti batango tere ti e ayeke sarango ye so ayeke mbirimbiri.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.