Jean 18:1 - Mbeti ti Nzapa - Tënë so amu fini

¹ Na peko ti sambela so, Jésus na adisiple ti lo ague na mbage ti ngu ti Sedron. Mbeni ndo so a lu akeke daa ayeke kâ si Jésus na adisiple ti lo ague kâ.

Jean 18:1 ပူးပေါင်းရင်းမြစ်များ

Tongo nda ti aye 2:15

KOTA GBIA Nzapa amu zo, azia lo na ya ti yaka ti Eden titene lo fâ yaka ni, lo bata ni.

Tongo nda ti aye 3:23

KOTA GBIA Nzapa atumba zo na ya ti yaka ti Eden titene lo gue, lo de sese ti lu kobe daa; sese so a mu ni si a sara na lo so.

2 Samuel 15:23

Azo kue ati na kota toto na hongo ti azo ni. Gbia afâ ngu ti Sedron, lo na tanga ti azo so kue amu peko ti lo; ala mu lege so ague na benyama.

1 Agbia 15:13

Ataa mama ti lo Maaka, lo zi iri ti “Gbia-wali” so ayeke na ndö ti lo, ngbanga ti so mama ti lo ni asara mbeni sioni yanda ndali ti nzapa-wali *Ashera. Asa amu yanga titene a kungbi yanda ni so na sese si a gbi ni na popo-hoto ti Sedron.

1 Agbia 2:37

Mbi tene na mo biani: na lango so mo yeke londo ti fâ ngu ti Sedron, mo yeke kui. Fade ngbanga ti mene ti mo ayeke ti na li ti mo wani.”

2 Agbia 23:12

Gbia akungbi na sese agbalaka so ayeke na li ti da-nduzu ti Akab; agbalaka so agbia ti Juda asara. Lo kungbi nga na sese agbalaka so Manase aleke na ya ti agbagba use ti kota da ti KOTA GBIA. Yosias afâ ya ni nduru nduru si lo tuku ni na popo-hoto ti Sedron.

2 Agbia 23:4

Gbia amu yanga na kota wayango-sandaga Hilkia, na awayango-sandaga so ayeke mu maboko na lo nga na azo so ayeke bata yanga ti kota da ti Nzapa titene aye so a leke ando ti voro na Baal, na Ashera nga na aye mingi mingi so ayeke na le ti nduzu, ala sigigi na ni na ya ti da ni, ala gbi ni na gigi ti gbata ti Jérusalem, na popo-hoto ti Sedron. Na pekoni, ala mu mburu ti wâ ni, ala gue na ni na Betel.

2 Agbia 23:6

Lo zi na ya ti kota da ti *KOTA GBIA keke so a leke si aluti na nduzu ndali ti nzapa-wali *Ashera; lo sigigi na ni na ya ti gbata ti Jérusalem si a gbi ni na popo-hoto ti Sedron; a gbi ni kue si aga mburu ti wâ. Na pekoni a mu mburu ti wâ ni, a tuku na ndo so adu ti kuâ ti asenge zo ti kodro ayeke daa.

2 Mbai 15:16

Ataa mama ti lo Maaka, lo zi iri ti “Gbia-wali” so ayeke ndö ti lo, ngbanga ti so mama ti lo ni asara mbeni sioni yanda ndali ti nzapa-wali *Ashera. Asa amu yanga titene a kungbi yanda ni so na sese, a fâ ya ni nduru nduru si a gbi ni na ndo so ayeke na popo-hoto ti Sedron.

2 Mbai 29:16

Awayango-sandaga ali na ya ti kota da ti KOTA GBIA ti zi *asioni ti da ni. Aye ti *sioni so kue ala wara na ya ti kota da ti KOTA GBIA ni, ala sigigi na ni, azia na ya ti gbagba si azo ti mara ti Lévi amu ni, ague, atuku na popo-hoto ti Sedron.

2 Mbai 30:14

Ala to nda ti zi agbalaka so a yeke mu *asandaga na ndö ni na Jérusalem; ala zi nga agbalaka so a yeke zö dukani na ndö ni, ala tuku ni na popo-hoto ti Sedron.

Néhémie 2:15

Tongaso, gi na bi, mbi gue na mbage ti nduzu, na lege ti kete ngu so iri ni Sedron si mbi baa mbage ti afango gbagba ni nzoni. Na pekoni, mbi kiri, mbi si na yanga ti gbata so iri ni Ti-popo-hoto; tongaso mbi kiri na ya ti gbata ni.

Jérémie 31:40

Popo-hoto so kue a yeke bi akuâ daa si a yeke tuku amburu ti wâ ti mafuta ti anyama daa, na asenge sese so ague ngbii asi na tere ti ngu ti Sedron, akiri ague ngbii asi na ndangoro ti yanga ti gbagba so iri ni Ambarata, na mbage ti To; asese so kue, fade a yeke zia ni nde ndali ti KOTA GBIA; zo ayeke kiri ti gboto ye daa wala ti kungbi ye daa pepe.”

Awayango-sandaga 2:6

Lo fâ ya ni kete kete, lo tuku mafuta na ndö ni. So ayeke sandaga ti ale ti kobe laa.

Matthieu 26:30

Na peko ti so ala he bia ti gondango Nzapa awe, ala mu lege ti gue na hoto ti a-olive.

Matthieu 26:36

Jésus na adisiple ti lo asi na mbeni ndo so iri ni Getsemane si lo tene na ala: “Ala duti na ndo so, mbi yeke gue kâ ti sambela.”

Marc 14:26

Na peko ti so ala he bia ti gondango Nzapa awe, ala mu lege ti gue na hoto ti a-olive.

Marc 14:32

Na pekoni, ala si na mbeni ndo so iri ni Getsemane; Jésus atene na adisiple ti lo: “Ala duti na ndo so, mbi yeke gue ti sambela.”

Marc 14:42

Ala londo, e gue! Baa, zo ti kango mbi asi awe!”

Jean 14:31

me lo yeke ga titene azo ti dunia ahinga so mbi ye Babâ si ala hinga nga so mbi yeke sara ye kue na peko ti yanga ti Babâ. Ala londo na ndo so, e hon!”

Jean 18:26

Mbeni zo ti kua ti kota wayango-sandaga so lo yeke zo ti sewa ti koli so Pierre afâ mê ti lo, ahunda Pierre, atene: “Mbi baa mo na lo na ndo so a lu akeke daa so; so mvene?”

Awatokua 21:11

Lo ga ti baa e. Lo mu kamba ti ndö ti bongo ti Paul, lo kanga gere ti lo na maboko ti lo na ni si lo tene: “Ala ma tënë so Yingo-Vuru atene: fade azuife ayeke kanga wa ti kamba so tongaso na Jérusalem si ala yeke zia lo na maboko ti azo so ahinga Nzapa pepe.”