Jean 17:3 - Mbeti ti Nzapa - Tënë so amu fini

³ Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jean 17:3 ပူးပေါင်းရင်းမြစ်များ

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 15:3

Aninga mingi so azo ti Israel ayeke na taa Nzapa pepe, ala yeke na wayango-sandaga pepe ti fa ye na ala, *Ndia ayeke daa pepe.

Abia (Psaumes) 9:10

KOTA GBIA ayeke tongana ngangu gbagba so ayeke bata azo so a sara ngangu na ala; lo yeke tongana ngangu gbagba so ayeke bata azo na ngoi ti aye ti ngangu.

Amato 8:35

Biani, zo so awara mbi, awara fini awe; be ti KOTA GBIA ayeke nzere na lo.

Ésaïe 48:16

Ala ga nduru na mbi, ala ma tënë so: Ngbene ye na tongo nda ni, mbi tene tënë na hondengo ni pepe. Na ngoi so aye ni so asi, mbi yeke daa. Fadeso, Kota Gbia NZAPA atokua mbi, lo mu na mbi yingo ti lo.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Marc 9:37

“Zo so ayamba oko ti akete molenge so na iri ti mbi, andaa mbi laa lo yamba mbi. Zo so ayamba mbi, andaa mbi oko laa lo yamba mbi pepe, me lo so atokua mbi.”

Nzoni Tënë so Luc asu na mbeti 9:48

lo tene na ala: “Zo so ayamba kete molenge so na iri ti mbi, andaa mbi laa lo yamba mbi; zo so ayamba mbi, andaa lo yamba nga lo so atokua mbi. Zo so ayeke kete kete na popo ti ala, andaa lo laa lo yeke kota ahon ala kue.”

Jean 10:36

Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?

Jean 11:42

Mbi hinga so, mo yeke ma mbi lakue, me mbi yeke tene tënë so titene azo so ayeke na tere ti mbi ge so alingbi ti ma na be so mo laa mo tokua mbi.”

Jean 14:26

Wagbungo-koko ayeke Yingo-Vuru so Babâ ayeke tokua lo na iri ti mbi. Lo laa lo yeke fa ande na ala nda ti aye kue, lo yeke dabe ti ala na tënë so kue mbi tene na ala.

Jean 17:18

Mbi tokua ala na ndö ti dunia, tongana ti so mo tokua mbi na ndö ti dunia.

Jean 17:21

Mbi sambela titene ala kue aga gi oko! Babâ, ayeke nzoni ala ga oko na e, tongana ti so mbi na mo, e yeke oko. Ayeke nzoni ala ga oko si fade azo ti dunia ahinga atene, mo laa mo tokua mbi.

Jean 17:23

Mbi ga oko na ala, tongana ti so mbi na mo, e yeke oko si ala ga oko biani, tongaso si azo ti dunia ahinga atene, mo laa mo tokua mbi, tongaso si ala hinga nga atene, mo ye ala tongana ti so mo ye mbi.

Jean 17:25

Babâ so mo yeke mbirimbiri, azo ti dunia so ahinga mo pepe, me mbi hinga mo. Adisiple ti mbi ahinga atene, mo laa mo tokua mbi.

Jean 17:8

Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.

Jean 3:17

Nzapa atokua Molenge ti lo na dunia so ti fâ ngbanga na li ti azo ti dunia ni pepe, me ti soo ala.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Jean 5:44

Ala ye titene amba ti ala laa agonda ala si ala nga agonda amba ti ala; me gonda so alondo na Nzapa oko, ala ye ti gi ni pepe. Fade ala lingbi ti ma na be tongana nyen?

Jean 6:57

Babâ ti mbi so atokua mbi, lo yeke na fini; na lege ti lo laa mbi yeke na fini. Nilaa, zo so ate tere ti mbi, lo yeke ngba na fini na lege ti mbi.

Jean 7:29

Ti mbi, mbi hinga lo, ngbanga ti so mbi londo na lo si mbi ga; lo laa lo tokua mbi.”

Jean 8:19

Ala hunda lo, atene: “Babâ ti mo ni ayeke na ndo wa?” Jésus akiri tënë, atene: “Ala hinga mbi wala Babâ ti mbi pepe. Tongana ala hinga fade mbi, ka ala hinga nga Babâ ti mbi.”

1 Korente 15:34

Ala sara ye tongana azo so li ti ala ayeke daa, ala sara siokpari pepe! Biani, ambeni zo na popo ti ala ahinga Nzapa pepe. A-ita, mbi yeke tene tënë so ti zia kamene na le ti ala.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

Filipe 3:10

Ye so mbi ye, ayeke ti hinga Christ, lo na ngangu so azingo lo na kuâ, ti baa pasi legeoko na lo si mbi ga tongana lo na ndembe ti kuâ ti lo.

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ

1 Tesalonike 1:9

Azo kue ayeke tene tënë ti yambango so ala yamba lani na e na ndembe so e si na ndo ti ala. Azo atene nga tënë ti ziango so ala zia lege ti anzapa nde ti kiri na mbage ti Nzapa titene ala sara kua na lo, lo so lo yeke na fini si lo yeke taa Nzapa.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

2 Pierre 1:2

Ayeke nzoni Nzapa asara nzoni be na ala, lo mu na ala siriri gbani gbani na lege so ala hinga Nzapa nga na Jésus, Kota Gbia ti e.

2 Pierre 1:3

Na lege ti ngangu ti lo, Christ amu na e aye so kue alingbi na e titene e duti na fini si e ngba ti gbu tënë ti Nzapa ngangu. Christ afa na e ti hinga Nzapa so airi e ti wara mbage ti gonda ti lo na ti nzoni ye so lo sara.

2 Pierre 1:8

So ayeke anzoni ye so ala lingbi ti duti na ni laa. Tongana ala yeke na ni gbani gbani, fade ayeke sara si ala duti senge senge pepe si hingango so ala hinga na *Kota Gbia ti e Jésus Christ ayeke gue lakue gi na nduzu.

1 Jean 1:2

Biani, fini so asigigi polele si e baa lo; e yeke tene tënë ti ye so e hinga na ndö ti lo, e yeke fa na ala tënë ti fini so angba lakue lakue, fini so ayeke ando na tere ti Babâ si asi na popo ti e.

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

1 Jean 2:23

Zo so ake Molenge ni, andaa lo ke nga Babâ ni awe; zo so ayamba Molenge ni, andaa lo yeke nga na Babâ ni.

1 Jean 4:6

Me ti e, e yeke azo ti Nzapa. Zo so ahinga Nzapa ayeke ma tënë ti e; zo so ayeke zo ti Nzapa pepe, lo yeke ma tënë ti e pepe. Lege so laa e lingbi ti hinga popo ti Yingo ti taa-tënë na yingo so ayeke fa lege ti kirikiri.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.