Jean 17:26 - Mbeti ti Nzapa - Tënë so amu fini

²⁶ Mbi sara si ala hinga mo, mbi ngba ti sara titene ala hinga mo, tongaso si yengo so mo ye na mbi angba na popo ti ala si mbi na ala, e yeke oko.”

Jean 17:26 ပူးပေါင်းရင်းမြစ်များ

Abia (Psaumes) 22:22

Mo zi mbi na yanga ti bamara, mo zi mbi na le ti didi ti angbä! Âa! KOTA GBIA, mo ma mbi awe!

Jean 14:20

Na lango ni so, fade ala yeke hinga atene, mbi na Babâ, e yeke oko, mbi na ala nga, e yeke oko.

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

Jean 15:15

Mbi yeke kiri ti iri ala azo ti kua pepe, ngbanga ti so zo ti kua ahinga ye so makonzi ti lo ayeke sara pepe. Me mbi iri ala amba ti mbi so mbi na ala e ye tere, ngbanga ti so mbi fa na ala aye so kue mbi ma na yanga ti Babâ.

Jean 15:4

Ala duti oko na mbi si mbi nga, mbi duti oko na ala. Maboko ti keke ayeke le ka gi lo oko pepe, lo yeke le gi tongana lo duti na tere ti keke ni. Nilaa ala nga, tongana ala duti oko na mbi pepe, ala lingbi ti le pepe.

Jean 15:9

Tongana ti so Babâ aye mbi, mbi nga, mbi ye ala. Ala ngba na ya ti ndoye ti mbi.

Jean 17:23

Mbi ga oko na ala, tongana ti so mbi na mo, e yeke oko si ala ga oko biani, tongaso si azo ti dunia ahinga atene, mo laa mo tokua mbi, tongaso si ala hinga nga atene, mo ye ala tongana ti so mo ye mbi.

Jean 17:6

Azo so mo zi ala na dunia si mo mu ala na mbi, mbi sara si ala hinga mo. Ala yeke ti mo, mo mu ala na mbi si ala sara ye alingbi na tënë ti mo.

Jean 17:8

Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.

Jean 6:56

Zo so ate tere ti mbi si anyon mene ti mbi, zo so mbi na lo, e yeke duti oko laa.

Jean 8:50

Mbi yeke gi titene azo agonda mbi pepe, me mbeni zo ayeke daa so ayeke sara titene mbi wara gonda, lo laa lo yeke wafango-ngbanga.

Rome 8:10

Tongana Christ ayeke na be ti ala, Yingo ti lo ayeke sara si ala duti na fini, ngbanga ti so, na le ti Nzapa, ala ga azo ti mbirimbiri awe, ataa so tere ti ala aduti ti ku gi kuâ ndali ti siokpari.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

1 Korente 12:12

Tere ti zo ayeke oko, me ambage ti tere ni ayeke mingi. Ataa so ambage ti tere ti zo ayeke mingi, ala kue abongbi aga gi tere oko. Ti Christ, ye ni ayeke nga gi tongaso.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Efeze 3:17

Mbi hunda titene Christ aduti na be ti ala na lege ti mabe! Ayeke nzoni sarango ye ti ala kue aluti na ndö ti ndoye tongana ti so gere ti keke ali sese wala tongana ti so da aluti ngangu na ndö ti gere ni.

Efeze 5:30

Andaa e yeke ambage ti tere ti lo.

Efeze 5:32

Tënë so ayeke kota mingi, azo alingbi ti hinga nda ni kue pepe. Tënë so mbi yeke tene so ayeke tënë ti Christ na Eglize,

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

Kolose 2:10

Na lege ti Christ so ayeke na li ti ayingo so kue ayeke na komandema, ala wara fini so ye oko atia na ya ni pepe.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

Ahebro 2:12

Biani, lo tene: “Fade mbi yeke tene tënë ti mo na a-ita ti mbi si mbi yeke gonda mo na ya ti bongbi ti azo ti mo.”

1 Jean 3:24

Zo so asara ye alingbi na andia ti Nzapa, lo ga oko na Nzapa si Nzapa aga oko na lo. Ye so afa atene, Nzapa aga oko na e ayeke so: lo mu na e Yingo-Vuru.