Jean 17:25 - Mbeti ti Nzapa - Tënë so amu fini

²⁵ Babâ so mo yeke mbirimbiri, azo ti dunia so ahinga mo pepe, me mbi hinga mo. Adisiple ti mbi ahinga atene, mo laa mo tokua mbi.

Jean 17:25 ပူးပေါင်းရင်းမြစ်များ

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 16:16

Simon Pierre akiri tënë: “Mo yeke *Mesii, Molenge ti Nzapa so ayeke na fini.”

Nzoni Tënë so Luc asu na mbeti 10:22

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.”

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 10:15

tongana ti so Babâ ahinga mbi si mbi hinga Babâ. Mbi yeke ka fini ti mbi ndali ti ataba ti mbi.

Jean 15:21

Me fade azo ayeke sara ye so kue na ala ndali ti iri ti mbi, ngbanga ti so azo ni ahinga lo so atokua mbi pepe.

Jean 16:27

ngbanga ti so Babâ wani aye ala. Lo ye ala, ngbanga ti so ala ye mbi si ala ma na be so mbi londo na Nzapa si mbi ga.

Jean 16:3

Azo ni ayeke sara ye so na ala, ngbanga ti so azo ni ahinga Babâ wala mbi pepe.

Jean 16:30

Ti fadeso, e hinga, e tene, mo hinga ye kue, mo lingbi titene zo akiri ahunda mo na mbeni tënë pepe. Ndani laa e ma na be so, mo londo na Nzapa si mo ga.”

Jean 17:11

Mbi yeke na dunia so mbeni pepe, me ala yeke ti ala na dunia so. Mbi yeke gue ti mbi na tere ti mo. Babâ, mo so mo yeke nde si mo yeke nzoni kue, bata ala na lege ti ngangu ti iri ti mo so mo mu na mbi, tongaso si ala ga oko, tongana ti so mbi na mo, e yeke oko.

Jean 17:18

Mbi tokua ala na ndö ti dunia, tongana ti so mo tokua mbi na ndö ti dunia.

Jean 17:21

Mbi sambela titene ala kue aga gi oko! Babâ, ayeke nzoni ala ga oko na e, tongana ti so mbi na mo, e yeke oko. Ayeke nzoni ala ga oko si fade azo ti dunia ahinga atene, mo laa mo tokua mbi.

Jean 17:23

Mbi ga oko na ala, tongana ti so mbi na mo, e yeke oko si ala ga oko biani, tongaso si azo ti dunia ahinga atene, mo laa mo tokua mbi, tongaso si ala hinga nga atene, mo ye ala tongana ti so mo ye mbi.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jean 17:8

Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.

Jean 3:17

Nzapa atokua Molenge ti lo na dunia so ti fâ ngbanga na li ti azo ti dunia ni pepe, me ti soo ala.

Jean 6:19

So ala gue na ngo ni ngbii asi kilometere oku wala omene, ala baa Jésus ayeke tambula na le ti ngu si lo yeke ga nduru na ngo ti ala. Mbeto agbu ala.

Jean 7:29

Ti mbi, mbi hinga lo, ngbanga ti so mbi londo na lo si mbi ga; lo laa lo tokua mbi.”

Jean 8:19

Ala hunda lo, atene: “Babâ ti mo ni ayeke na ndo wa?” Jésus akiri tënë, atene: “Ala hinga mbi wala Babâ ti mbi pepe. Tongana ala hinga fade mbi, ka ala hinga nga Babâ ti mbi.”

Jean 8:55

me ala hinga lo oko pepe. Mbi laa mbi hinga lo. Tongana mbi tene fade, mbi tene: ‘Mbi hinga lo pepe’, ka mbi yeke zo ti mvene tongana ala. Me mbi hinga lo si mbi yeke sara ye alingbi na tënë ti lo.

Awatokua 17:23

Biani, so mbi yeke tambula na ya ti gbata ti ala, mbi yeke baa anzapa so ala leke si ala yeke voro ni. Mbi baa nga mbeni gbalaka so a sara mbeti daa, atene: ‘So ayeke ti mbeni nzapa so e hinga lo pepe.’ Nzoni! Ye so ala yeke voro ni si ala hinga pepe so, ni laa mbi ga ti fa ni na ala.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

Rome 3:11

Zo ti hingango ndo ayeke daa pepe, zo ti gingo lege ti Nzapa ayeke daa pepe.

Rome 3:26

na ngoi so lo kanga be ti lo ti ku ala. Ti fadeso, lo fa so lo yeke mbirimbiri si lo ye titene azo so ama na be na Jésus aga mbirimbiri na le ti lo.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 15:34

Ala sara ye tongana azo so li ti ala ayeke daa, ala sara siokpari pepe! Biani, ambeni zo na popo ti ala ahinga Nzapa pepe. A-ita, mbi yeke tene tënë so ti zia kamene na le ti ala.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Ahebro 8:11

Zo oko ayeke kiri ti fa ye na mba ti lo wala na ita ti lo oko pepe, atene: ‘Mo hinga Kota Gbia!’ Biani, ti londo na kete zo asi na kota zo, fade ala kue ayeke hinga mbi.

1 Jean 1:9

Tongana e fa siokpari ti e na Nzapa, lo so lo yeke bata tënë ti yanga ti lo si lo yeke nga mbirimbiri, fade lo yeke zi siokpari ti e si lo yeke sukula sioni ti e kue.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Aye so Nzapa afa 16:5

Mbi ma ange so ayeke na komandema na ndö ti angu, lo tene: “Mo yeke mbirimbiri, mo yeke laso, mo yeke ando, mo yeke nde si mo yeke nzoni kue; fango ngbanga ti mo ayeke na legeni!