Jean 17:10 - Mbeti ti Nzapa - Tënë so amu fini

¹⁰ Ye ti mbi kue ayeke ti mo si ye ti mo kue ayeke ti mbi, nilaa azo ayeke baa gonda ti mbi na lege ti ala.

Jean 17:10 ပူးပေါင်းရင်းမြစ်များ

Jean 10:30

Mbi na Babâ, e yeke oko.”

Jean 11:4

So Jésus ama tënë ni, lo tene: “Kobela ti Lazare so ayeke fâ lo pepe; me ayeke sara si azo agonda Nzapa. Na lege ti kobela so si azo ayeke gonda ande Molenge ti Nzapa.”

Jean 12:23

Jésus akiri tënë na ala, atene: “Ngbonga titene a gonda *Molenge ti Zo alingbi awe.

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Awatokua 19:17

Azo ti gbata ti Efeze, azuife na azo ti amara nde ama tënë ti ye so; mbeto agbu ala kue si ala sepela iri ti *Kota Gbia Jésus.

Galasii 1:24

Nilaa, azo ti Christ ayeke gonda Nzapa ndali ti mbi.

Filipe 1:20

Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.

Kolose 2:9

Biani, Nzapa aduti kue kue kue na ya ti tere ti Christ so aga zo.

2 Tesalonike 1:10

na ndembe so lo yeke ga. Fade azo ti lo ayeke gonda lo, azo so kue ama na be ayeke baa lo na ngia. Ala nga, a-ita, fade ala yeke duti na popo ti azo ni, ngbanga ti so ala ma na be na tënë so e fa.

2 Tesalonike 1:12

Tongaso, fade ala yeke sara si iri ti Kota Gbia ti e Jésus awara gonda, lo yeke sara si ala nga awara gonda. Ye so nzoni be ti Nzapa ti e na ti Kota Gbia Jésus Christ ayeke sara laa.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.