Jean 16:8 - Mbeti ti Nzapa - Tënë so amu fini

⁸ Tongana lo ga, fade lo yeke fa na azo ti dunia so atene, ala yeke handa tere ti ala na ndö ti tënë ti siokpari, na ndö ti tënë ti ye ti mbirimbiri nga na ndö ti tënë ti fango ngbanga ti Nzapa.

Jean 16:8 ပူးပေါင်းရင်းမြစ်များ

Awayango-sandaga 13:12

Me tongana wayango-sandaga abaa so buruma ni asigigi na tere ti zo ni kue, alondo na li ti lo asi na gere ti lo,

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Jean 16:7

Andaa mbi tene na ala taa-tënë: ayeke nzoni titene mbi gue. Biani, tongana mbi gue pepe, Wagbungo-koko ayeke ga ande na tere ti ala pepe. Tongana mbi gue, fade mbi yeke tokua lo na ala.

Jean 16:9

Azo ti dunia ayeke handa tere ti ala na ndö ti tënë ti siokpari, ndali ti so azo ni ama na be na mbi pepe.

Jean 8:46

Zo wa na popo ti ala alingbi ti fa siokpari so mbi sara? Tongana tënë ti mbi ayeke taa-tënë, ngbanga ti nyen si ala ma na be na mbi pepe?

Jean 8:9

So azo ni ama tënë so, ala londo oko na oko ti gue; azo so ahon kozoni ayeke ambakoro. Jésus angba gi lo oko, wali ni angba ti luti na dawa ti lo.

Awatokua 2:37

So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?”

1 Korente 14:24

Me tongana ala kue ayeke tene peko ti tënë ti yanga ti Nzapa si mbeni senge zo wala zo so ama na be pepe ali na popo ti ala, fade atënë so kue lo ma so ayeke fâ ngbanga na li ti lo si ayeke sara titene lo hinga sioni ti lo;

Jude 1:15

Lo yeke ga ti fâ ngbanga na li ti azo kue, ti kanga azo ti sioni ndali ti asioni ye so kue ala sara. Lo yeke kanga nga azo ti siokpari so ayeke azo ti sioni ndali ti asioni yanga so kue ala tene na tere ti lo.’ ”