Jean 16:5 - Mbeti ti Nzapa - Tënë so amu fini

⁵ Me fadeso, mbi yeke kiri na tere ti lo so lo tokua mbi, me zo oko na popo ti ala ahunda mbi pepe, atene: ‘Mo yeke gue na ndo wa?’

Jean 16:5 ပူးပေါင်းရင်းမြစ်များ

Jean 13:3

Jésus ahinga so Babâ azia aye kue na maboko ti lo. Lo hinga nga so lo londo na Nzapa, lo ga si lo yeke kiri ande na Nzapa.

Jean 13:36

Simon Pierre ahunda lo, atene: “*Kota Gbia, mo yeke gue na ndo wa?” Jésus akiri tënë na lo: “Mo lingbi ti mu peko ti mbi na ndo so mbi yeke gue daa fadeso pepe, me mbeni lâ, fade mo yeke mu peko ti mbi.”

Jean 14:28

Ala ma fade tënë so mbi tene: ‘Mbi yeke gue, me mbi yeke kiri na tere ti ala.’ Tongana ala ye fade mbi, ka ala duti na ngia ndali ti so mbi yeke gue na Babâ. Biani, Babâ ayeke kota ahon mbi.

Jean 16:10

Azo ni ayeke handa tere ti ala na ndö ti tënë ti ye ti mbirimbiri, ndali ti so mbi yeke gue na Babâ si ala, azo ti mbi, ala yeke kiri ti baa mbi pepe.

Jean 16:16

“Ngoi angba gi kete titene ala kiri abaa mbi pepe si kete na pekoni, ala yeke kiri ti baa mbi.”

Jean 16:17

Ambeni disiple ti Jésus ahunda tere ti ala, atene: “Nda ti tënë so lo tene so ayeke nyen, so lo tene: ‘Ngoi angba gi kete titene ala kiri abaa mbi pepe si kete na pekoni, ala yeke kiri ti baa mbi’? Lo tene nga, lo tene: ‘Mbi yeke gue na Babâ.’

Jean 16:28

Mbi londo na Babâ si mbi ga na dunia. Fadeso, mbi yeke zia dunia ti kiri na Babâ.”

Jean 17:13

Fadeso mbi yeke kiri na tere ti mo. Mbi tene tënë so na ndembe so mbi de na dunia, tongaso si ngia ti mbi aduti na be ti ala, ngia so asi singo.

Jean 17:4

Mbi gonda mo na ndö ti sese so awe, mbi hunzi kua so mo mu na mbi ti sara awe.

Jean 6:62

Ala yeke tene ande nyen na ndembe so *Molenge ti Zo ayeke kiri na yayu, na ndo so lo yeke daa kozoni so?

Jean 7:33

Jésus atene: “Mbi yeke duti kete na popo ti ala si na pekoni, mbi yeke kiri na tere ti lo so atokua mbi.

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.