Jean 16:32 - Mbeti ti Nzapa - Tënë so amu fini

³² Baa, ngbonga ayeke ga si ngbonga ni alingbi awe so ala kue ayeke kangbi kirikiri, zo oko oko ayeke hon ti zia gi mbi oko. Me mbi yeke gi mbi oko pepe, ngbanga ti so Babâ ayeke na mbi.

Jean 16:32 ပူးပေါင်းရင်းမြစ်များ

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Matthieu 26:31

Tongaso, Jésus atene na adisiple ti lo: “Gi na bi so, fade ala kue ayeke zia mbi ti hon, ngbanga ti so Mbeti ti Nzapa atene: ‘Fade mbi yeke fâ wabatango-taba si ataba ni ayeke kangbi kirikiri.’

Matthieu 26:56

Me ye so kue asi tongaso si tënë ti yanga ti awayanga-Nzapa so a su na mbeti ando so aga taa-tënë.” Tongaso adisiple kue azia lo si ala kpe ahon.

Marc 14:27

Jésus atene na adisiple ti lo: “Fade ala kue ayeke zia mbi ti hon, ngbanga ti so Mbeti ti Nzapa atene: ‘Fade mbi yeke fâ wabatango-taba si ataba ni ayeke kangbi kirikiri.’

Marc 14:50

Tongaso azo kue azia lo si ala kpe ahon.

Jean 12:23

Jésus akiri tënë na ala, atene: “Ngbonga titene a gonda *Molenge ti Zo alingbi awe.

Jean 16:2

Fade azo ayeke tumba ala na ya ti ada ti sambelango Nzapa. Na ndö ni, ngbonga ni ayeke ga so fade ambeni zo ayeke fâ ala si azo ni ayeke tene na be ti ala atene, kua ti Nzapa laa ala yeke sara so.

Jean 16:25

“Mbi tene na ala atënë so na lege ti atoli. Ngbonga ni ayeke ga ande so mbi yeke kiri ti tene tënë na ala na lege ti toli pepe, me mbi yeke tene tënë na ala na ndo ti Babâ polele.

Jean 16:31

Jésus akiri tënë na ala, atene: “Ala ma na be fadeso awe?

Jean 19:27

Na pekoni, lo tene na disiple ni: “Baa, mama ti mo laa.” Ti londo na ndembe ni so, disiple ni amu mama ti Jésus na da ti lo.

Jean 20:10

Na pekoni, adisiple akiri na ndo ti ala.

Jean 4:21

Jésus akiri tënë na lo: “Wali, mo ma tënë ti mbi: ngbonga ayeke ga so fade ala yeke voro Babâ na ndö ti hoto so wala na Jérusalem pepe.

Jean 4:23

Me mbeni ngbonga ayeke ga si ngbonga ni alingbi awe so taa zo ti vorongo Babâ ayeke voro lo na lege ti Yingo nga na lege ti taa-tënë. Amara ti azo ti vorongo Nzapa tongaso laa Babâ ayeke gi ala.

Jean 5:25

Biani, mbi tene na ala taa-tënë: mbeni ngbonga ayeke ga si ngbonga ni alingbi awe so akuâ ayeke ma go ti Molenge ti Nzapa si ala so ama go ni ayeke kiri ti duti na fini.

Jean 5:28

Nilaa, ayeke nzoni li ti ala azo, akpe pepe, ngbanga ti so ngbonga ni ayeke ga so, azo so ayeke na ya ti du ti kuâ ayeke ma go ti lo

Jean 8:16

Tongana mbi fâ ngbanga, fango ngbanga ti mbi ayeke na legeni, ndali ti so mbi oko laa mbi yeke fâ ngbanga ni pepe, Babâ ti mbi so atokua mbi ayeke na mbi.

Jean 8:29

Lo so atokua mbi, lo yeke na mbi. Lo zia mbi gi mbi oko pepe, ngbanga ti so mbi yeke sara lakue ye so anzere na be ti lo.”

Awatokua 21:6

Na peko ti so e kue, e bara tere awe, e ko na ya ti mangboko; ti ala, ala kiri na ndo ti ala.

Awatokua 8:1

Saul ayeda na tënë ti fango Étienne. Na lango ni so, azo ato nda ti sara ngangu mingi na azo ti *Eglize so ayeke na Jérusalem. Azo ti Jésus kue akangbi na ndö ti sese ti Judée na ti Samarii, gi *awatokua laa angba na Jérusalem.