Jean 16:30 - Mbeti ti Nzapa - Tënë so amu fini

³⁰ Ti fadeso, e hinga, e tene, mo hinga ye kue, mo lingbi titene zo akiri ahunda mo na mbeni tënë pepe. Ndani laa e ma na be so, mo londo na Nzapa si mo ga.”

Jean 16:30 ပူးပေါင်းရင်းမြစ်များ

1 Agbia 17:24

Wali ni atene na Élie: “Biani, fadeso mbi hinga, mbi tene, mo yeke zo ti Nzapa; tënë ti KOTA GBIA so ayeke na yanga ti mo ayeke taa-tënë.”

Jean 16:17

Ambeni disiple ti Jésus ahunda tere ti ala, atene: “Nda ti tënë so lo tene so ayeke nyen, so lo tene: ‘Ngoi angba gi kete titene ala kiri abaa mbi pepe si kete na pekoni, ala yeke kiri ti baa mbi’? Lo tene nga, lo tene: ‘Mbi yeke gue na Babâ.’

Jean 16:23

“Na lango ni so, ala yeke hunda ande mbi na mbeni ye pepe. Biani, mbi tene na ala taa-tënë: ye so kue ala hunda na iri ti mbi, fade Babâ ayeke mu ni na ala.

Jean 16:26

Na lango ni so, fade ala yeke hunda ye na lo na iri ti mbi; mbi tene na ala pepe, mbi tene, mbi laa mbi yeke hunda ye na Babâ ndali ti ala,

Jean 16:31

Jésus akiri tënë na ala, atene: “Ala ma na be fadeso awe?

Jean 17:8

Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.

Jean 2:11

Lege so Jésus asara kozo ye ti kpene na Kana, mbeni kodro ti Galile laa. Lo fa gonda ti lo si adisiple ti lo ama na be na lo.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Jean 5:20

ngbanga ti so Babâ aye Molenge ti lo si lo fa na Molenge ni aye so kue lo yeke sara. Fade lo yeke fa na Molenge ni ambeni ye ti sarango ni so ayeke kota ahon so si fade li ti ala azo, akpe.

Jean 8:42

Jésus atene na ala: “Tongana Nzapa ayeke fade Babâ ti ala, ka ala ye mbi, ngbanga ti so mbi londo na lo laa mbi ga. Mbi ga gi ti li ti mbi pepe, me lo laa lo tokua mbi.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.