Jean 16:20 - Mbeti ti Nzapa - Tënë so amu fini

²⁰ Biani, mbi tene na ala taa-tënë: fade ala yeke toto, ala yeke dema tere, me azo ti dunia ayeke duti ti ala na ngia. Ala, adisiple ti mbi ayeke na vundu, me vundu ti ala ayeke kiri ti ga ngia.

Jean 16:20 ပူးပေါင်းရင်းမြစ်များ

Mbeti ti Job 20:5

azo ti sioni ayeke dekongo na ngia, me dekongo ni ayeke ninga pepe; azo so ake Nzapa, ngia ti ala ayeke gue yongoro pepe.

Abia (Psaumes) 30:11

KOTA GBIA, ma mbi, baa mawa ti mbi! KOTA GBIA, mu maboko na mbi!”

Abia (Psaumes) 30:5

Ala azo ti KOTA GBIA, ala he bia ti gonda na lo; ala sepela lo, ala dabe ti ala so lo yeke nde si lo yeke nzoni kue.

Abia (Psaumes) 97:11

Fade lumiere ayeke za na ndö ti zo ti mbirimbiri si azo ti vurungo be ayeke wara ngia.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Ésaïe 66:5

Ala ma tënë ti *KOTA GBIA, ala so tere ti ala ayeke do na mbeto ndali ti tënë ti lo: Ambeni ita ti ala ake ala si atumba ala ndali ti mbi. A-ita ti ala ni ayeke he ala si ayeke tene: “Ayeke nzoni KOTA GBIA afa gonda ti lo si e lingbi ti baa ngia ti ala ni!” Me a-ita ti ala ni laa kamene ayeke gbu ande le ti ala.

Jérémie 31:25

Biani, azo so awoko na nzara ti ngu, fade mbi yeke mu na ala ngu ti nyon; azo so ngangu atia ala, mbi yeke mu na ala kota ngangu.

Matthieu 21:38

Me so azo ti fango yaka ni abaa molenge ni, ala tene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! Ala ga, e fâ lo si yaka ti lo aga ti e!’

Matthieu 5:4

Ti ala nzoni, ala so ayeke na vundu, ngbanga ti so Nzapa ayeke zi ande vundu ti ala!

Marc 14:72

Gi na ndembe ni, koli-kondo atoto ti fani use. Tongaso Pierre adabe ti lo na tënë so lani Jésus atene na lo, atene: “Kozo titene koli-kondo atoto fani use, fade mo yeke bere tënë ti mbi fani ota.” Tongaso Pierre ati na toto.

Marc 16:10

Marie ague, lo tene tënë ni na azo so ayeke lani na tere ti Jésus. Andaa vundu agbu be ti ala mingi si ala yeke toto.

Nzoni Tënë so Luc asu na mbeti 22:45

So lo sambela awe, lo londo si lo ga na mbage ti adisiple; lo wara ala na lango ndali ti so vundu asara ala.

Nzoni Tënë so Luc asu na mbeti 22:62

Pierre asigigi si lo toto ngangu mingi.

Nzoni Tënë so Luc asu na mbeti 23:27

Azo gbani gbani ayeke mu peko ti Jésus; ambeni wali nga ayeke na popo ti azo ni. Ala zia maboko na ndö ti go ti ala si ala yeke toto ndali ti lo.

Nzoni Tënë so Luc asu na mbeti 24:17

Jésus ahunda ala, atene: “Tënë ti nyen laa ala yeke tene si ala yeke tambula na ni so?” Tongaso ala luti, vundu agbu ala kue.

Nzoni Tënë so Luc asu na mbeti 24:21

Ti e, e zia be ti e ti ku e tene, lo laa lo yeke zi ande Israel na gbe ti ngbaa. Me na ndö ni kue, aye ni asi asara fadeso lango ota awe.

Nzoni Tënë so Luc asu na mbeti 6:21

Ti ala nzoni, ala so nzara ayeke sara ala fadeso, ngbanga ti so fade ya ti ala ayeke si! Ti ala nzoni, ala so ayeke toto fadeso, ngbanga ti so fade ala yeke he ngia!

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Jean 16:6

Me vundu agbu be ti ala ngbanga ti tënë so mbi tene na ala so.

Jean 20:20

Na peko ti tënë so, lo fa amaboko ti lo na kate ti lo na ala. So adisiple abaa *Kota Gbia, be ti ala asi na kota ngia.

Awatokua 5:41

So awatokua ni asigigi na ya ti Kota Bongbi ti Fango Ngbanga ni, be ti ala asi na ngia, ngbanga ti so Nzapa abaa so ala lingbi na bango pasi ndali ti iri ti Jésus.

Rome 5:11

Na ndö ni kue, be ti e ayeke na ngia na dawa ti Nzapa na lege ti *Kota Gbia ti e Jésus Christ, lo so lo sara si fadeso songo aga na popo ti e na Nzapa.

2 Korente 6:10

Azo azia vundu na be ti e, me e yeke lakue na ngia; azo abaa e tongana azo ti mawa, me e yeke sara titene azo mingi aga azo ti mosoro; azo abaa e tongana azo so ayeke na ye oko pepe, me e yeke na ye kue.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

1 Tesalonike 1:6

Ti ala, ala sara ye tongana ti e nga tongana ti Kota Gbia; ataa so ala wara tënë ti Nzapa na ya ti pasi mingi, Yingo-Vuru azia ngia na be ti ala.

Jacques 1:2

A-ita ti mbi, ayeke nzoni be ti ala aduti na ngia na ya ti aye ti tarango be nde nde so ayeke si na ala.

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.

Aye so Nzapa afa 11:10

Azo ti ndö ti sese ayeke duti na ngia ndali ti kuâ ti azo use so. Ala yeke sara matanga, ala yeke mu akadoo na amba ti ala, ngbanga ti so awayanga-Nzapa use so aga na pasi mingi na ndö ti azo.

Aye so Nzapa afa 18:7

Ala sara pasi na lo, ala bi lo na ya ti aye ti vundu alingbi gi na gondango tere ti lo nga na kota nzara ti warango ye ti lo. Ala sara na lo aye ni so ndali ti so lo yeke tene na be ti lo, lo tene: ‘Mbi yeke gbia-wali, mbi so mbi duti ge so! Mbi yeke wali-mua pepe si mbi yeke sara mua laoko pepe.’