Jean 16:2 - Mbeti ti Nzapa - Tënë so amu fini

² Fade azo ayeke tumba ala na ya ti ada ti sambelango Nzapa. Na ndö ni, ngbonga ni ayeke ga so fade ambeni zo ayeke fâ ala si azo ni ayeke tene na be ti ala atene, kua ti Nzapa laa ala yeke sara so.

Jean 16:2 ပူးပေါင်းရင်းမြစ်များ

Ésaïe 65:5

Ala yeke tene na azo, atene: ‘Ngba yongoro, ga nduru na mbi pepe! Fade ye ti ngangu ayeke wara mo, ngbanga ti so a zia mbi nde awe.’ Tongana mbi baa aye so kue ala yeke sara, wâ ti ngonzo ti mbi ayeke londo si ayeke gbi ndo lakue.

Ésaïe 66:5

Ala ma tënë ti *KOTA GBIA, ala so tere ti ala ayeke do na mbeto ndali ti tënë ti lo: Ambeni ita ti ala ake ala si atumba ala ndali ti mbi. A-ita ti ala ni ayeke he ala si ayeke tene: “Ayeke nzoni KOTA GBIA afa gonda ti lo si e lingbi ti baa ngia ti ala ni!” Me a-ita ti ala ni laa kamene ayeke gbu ande le ti ala.

Daniel 11:33

Azo so le ti ala ahan na popo ti azo ti kodro ayeke sara si ambeni zo mingi ahinga ye. Me na ya ti mbeni ngoi, a yeke fâ ambeni, a yeke gbi ambeni na wâ; ti ambeni, a yeke nzi aye ti ala kue si a yeke gbu ala na ya ti bira.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Matthieu 24:9

Tongaso, fade a yeke zia ala na maboko ti ambeni zo titene a sara ngangu na ala; amara kue ayeke ke ala ndali ti mbi.

Nzoni Tënë so Luc asu na mbeti 6:22

“Ti ala nzoni, ala so azo ake ala, atumba ala, azonga ala si ayeke diko asioni tënë na iri ti ala ndali ti *Molenge ti Zo!

Jean 12:42

Andaa na popo ti amakonzi ti azuife, ambeni mingi ama na be na Jésus, me ala lingbi ti fa ni na le ti azo pepe, ngbanga ti *afarizien. Ala sara mbeto titene a tumba ala na ya ti ada ti sambelango Nzapa.

Jean 16:25

“Mbi tene na ala atënë so na lege ti atoli. Ngbonga ni ayeke ga ande so mbi yeke kiri ti tene tënë na ala na lege ti toli pepe, me mbi yeke tene tënë na ala na ndo ti Babâ polele.

Jean 16:32

Baa, ngbonga ayeke ga si ngbonga ni alingbi awe so ala kue ayeke kangbi kirikiri, zo oko oko ayeke hon ti zia gi mbi oko. Me mbi yeke gi mbi oko pepe, ngbanga ti so Babâ ayeke na mbi.

Jean 4:21

Jésus akiri tënë na lo: “Wali, mo ma tënë ti mbi: ngbonga ayeke ga so fade ala yeke voro Babâ na ndö ti hoto so wala na Jérusalem pepe.

Jean 4:23

Me mbeni ngbonga ayeke ga si ngbonga ni alingbi awe so taa zo ti vorongo Babâ ayeke voro lo na lege ti Yingo nga na lege ti taa-tënë. Amara ti azo ti vorongo Nzapa tongaso laa Babâ ayeke gi ala.

Jean 9:22

Babâ na mama ti lo atene tënë so, ngbanga ti so mbeto ti azuife asara ala. Andaa azuife ni atene, zo so kue ayeda atene, Jésus ayeke *Mesii, ala yeke tumba lo na ya ti da ti sambelango Nzapa ti ala.

Jean 9:34

Ala kiri tënë, atene: “Mo, a du mo si mo kono gi na ya ti siokpari, mo ye ti fa ye na e?” Na pekoni, ala tumba lo na ya ti da ti sambela ni.

Awatokua 5:33

So azo ti fango ngbanga ni ama tënë so, ngonzo agbu ala ahon ndoni si ala ye ti fâ awatokua ni.

Awatokua 7:56

Lo tene: “Mbi baa yayu azi si mbi baa *Molenge ti Zo so ayeke luti na tere ti Nzapa na mbage ti maboko ti lo ti koli!”

1 Korente 4:13

azo ayeke tene sioni tënë na tere ti e, e yeke sara si be ti azo ade. E yeke tongana azende ti dunia so, afungo ye so azo ayeke bi na ngonda, ngbii asi fadeso.

Filipe 3:6

Na lege ti sarango kua ti Nzapa, mbi mu ando be ti mbi kue daa si mbi sara pasi na azo ti *Eglize mingi. Na lege ti batango ndia ti ga mbirimbiri na legeni, zo ayeke wara mbeni tënë ti bi na li ti mbi pepe.

Aye so Nzapa afa 6:9

So Molenge ti Taba azi oku nzoroko ni, mbi baa na gbe ti gbalaka ayingo ti azo so a fâ ala ndali ti tënë ti Nzapa, wala ndali ti tënë so ala hinga na ndö ti Nzapa.

Awafango-ngbanga 6:30

Tongaso azo ti gbata ni atene na Yoash: “Ga na molenge ti mo ni; lo lingbi na kuâ, ngbanga ti so lo kungbi gbalaka ti Baal na sese si lo de keke so a leke aluti na nduzu ndali ti Ashera si ayeke na tere ni.”