Jean 16:17 - Mbeti ti Nzapa - Tënë so amu fini

¹⁷ Ambeni disiple ti Jésus ahunda tere ti ala, atene: “Nda ti tënë so lo tene so ayeke nyen, so lo tene: ‘Ngoi angba gi kete titene ala kiri abaa mbi pepe si kete na pekoni, ala yeke kiri ti baa mbi’? Lo tene nga, lo tene: ‘Mbi yeke gue na Babâ.’

Jean 16:17 ပူးပေါင်းရင်းမြစ်များ

Marc 9:10

Ala yeda, me ala hunda tere ti ala, atene: “Tënë ti zingongo na kuâ ni atene nyen?”

Marc 9:32

Me adisiple ni ahinga nda ti tënë so pepe si mbeto ti hunda lo na tënë asara ala.

Nzoni Tënë so Luc asu na mbeti 18:34

Me adisiple ama ya ti tënë so oko pepe, nda ni ahonde na ala; ala hinga nda ti tënë so Jésus atene so pepe.

Nzoni Tënë so Luc asu na mbeti 9:45

Me adisiple ama ya ti tënë ni so pepe; nda ni ahonde na ala si ala ma ya ni pepe, me ala sara mbeto ti hunda nda ni na lo.

Jean 12:16

Adisiple ti lo ama ya ti tënë so hio pepe. Me na ndembe so Jésus ali na ya ti gonda ti lo awe, ala dabe ti ala na tënë so Mbeti ti Nzapa atene na ndö ti lo: ye ni kue laa azo asara na lo so.

Jean 14:22

Judas, so ayeke nde na Judas Iskariote, atene na lo: “*Kota Gbia, mo ye ti sara titene e laa e hinga mo si azo ti dunia ahinga mo pepe, ngbanga ti nyen?”

Jean 14:5

Thomas atene na lo: “*Kota Gbia, e hinga ndo so mo yeke gue daa pepe. Fade e yeke hinga lege ni tongana nyen?”

Jean 16:1

“Mbi tene tënë so na ala titene mabe ti ala ati pepe.

Jean 16:16

“Ngoi angba gi kete titene ala kiri abaa mbi pepe si kete na pekoni, ala yeke kiri ti baa mbi.”

Jean 16:18

So lo tene: ‘Ngoi angba gi kete’, nda ni ayeke nyen? E hinga nda ti tënë so pepe.”

Jean 16:19

Jésus ahinga atene, ala ye ti hunda lo na tënë; nilaa lo tene na ala: “Mbi tene fade, mbi tene: ‘Ngoi angba gi kete titene ala kiri abaa mbi pepe si kete na pekoni, ala yeke kiri ti baa mbi.’ Tënë so ala yeke hunda tere na popo ti ala na ndö ni laa?

Jean 16:5

Me fadeso, mbi yeke kiri na tere ti lo so lo tokua mbi, me zo oko na popo ti ala ahunda mbi pepe, atene: ‘Mo yeke gue na ndo wa?’