Jean 16:13 - Mbeti ti Nzapa - Tënë so amu fini

¹³ Tongana Yingo ti taa-tënë aga ande, lo yeke fa na ala taa-tënë kue. Lo yeke fa gi tënë ti be ti lo pepe, me lo yeke fa na ala ye so lo yeke ma; lo yeke fa nga na ala tënë ti aye so ayeke si.

Jean 16:13 ပူးပေါင်းရင်းမြစ်များ

Ésaïe 11:2

Fade yingo ti *KOTA GBIA ayeke duti na ndö ti lo: yingo ti ndara na ti hingango popo ti nzoni na sioni, yingo ti mungo wango na ti ngangu, yingo ti hingango ndo na ti kpengo mbeto ti KOTA GBIA.

Jean 12:49

Mbi tene tënë so alondo na mbi wani pepe, me Babâ so atokua mbi laa amu yanga na mbi na ndö ti tënë so alingbi mbi tene nga na ye so alingbi mbi fa.

Jean 14:17

lo yeke Yingo ti taa-tënë. Azo ti dunia so alingbi ti yamba lo pepe, ngbanga ti so ala baa lo pepe si ala hinga nga lo pepe. Me ti ala, ala hinga lo awe, ngbanga ti so lo yeke na ya ti ala si lo yeke na tere ti ala.

Jean 14:26

Wagbungo-koko ayeke Yingo-Vuru so Babâ ayeke tokua lo na iri ti mbi. Lo laa lo yeke fa ande na ala nda ti aye kue, lo yeke dabe ti ala na tënë so kue mbi tene na ala.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 15:26

“Mbi yeke tokua ande na ala Wagbungo-koko: lo yeke Yingo ti taa-tënë so alondo na Babâ si aga. Tongana lo ga, lo laa lo yeke tene tënë na ala na ndö ti mbi.

Jean 16:12

“Mbi yeke na tënë mingi ti tene na ala, me ti fadeso ala lingbi ti kanga be ti ala daa pepe.

Jean 3:32

Lo yeke fa gi peko ti tënë ti aye so lo baa si lo ma; me zo oko ti yeda na tënë so lo yeke fa so ayeke daa pepe.

Jean 8:38

Mbi yeke tene ti mbi gi tënë ti ye so mbi baa na Babâ ti mbi; ala yeke sara ti ala gi ye so ala ma na yanga ti babâ ti ala.”

Awatokua 11:28

Mbeni oko so iri ti lo Agabus alondo, lo tene na azo ye so Yingo-Vuru afa na lo, lo tene: “Fade mbeni kota nzara ayeke ga na ndö ti sese kue.” – Nzara ni aga biani na ndembe so Claude ayeke kota gbia ti Rome. –

Awatokua 20:23

Ye oko so mbi hinga ayeke so: na ya ti agbata oko oko, Yingo-Vuru afa na mbi kozoni atene, kanga na pasi ayeke ku mbi.

Awatokua 27:24

si lo tene na mbi: ‘Paul, mbeto asara mo pepe! Alingbi mo gue, mo si na gbe ti kota gbia ti Rome titene lo fâ ngbanga ti mo. Ndali ti mo, fade Nzapa ayeke bata azo so kue ayeke na ya ti mangboko ni.’

2 Tesalonike 2:12

Tongaso, ala so kue ama na be na taa-tënë pepe si be ti ala ayeke nzere na sarango sioni ye, fade Nzapa ayeke fâ ngbanga na li ti ala.

2 Tesalonike 2:3

Ala zia zo oko ahanda ala na mbeni tënë pepe. Biani, kozoni si lango so alingbi, fade ambeni ye ayeke si: gba ti azo ayeke zia lege ti Nzapa, Zo ti sioni ayeke si, lo so a yeke buba ande lo na ndo so wâ ayeke gbi daa lakue.

Ahebro 1:1

Ando, Nzapa atene tënë fani mingi na akotara ti e na lege nde nde; lo zia tënë ni na yanga ti awayanga-Nzapa si ala tene.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.

1 Jean 4:6

Me ti e, e yeke azo ti Nzapa. Zo so ahinga Nzapa ayeke ma tënë ti e; zo so ayeke zo ti Nzapa pepe, lo yeke ma tënë ti e pepe. Lege so laa e lingbi ti hinga popo ti Yingo ti taa-tënë na yingo so ayeke fa lege ti kirikiri.

1 Jean 5:6

Jésus Christ laa aga na ngu na mene, ngu ti bateme so lo li na ya ni nga na mene ti lo so atuku. Lo ga gi na ngu pepe, me lo ga na ngu na mene kue. Yingo-Vuru si ayeke fa atene, ye ni ayeke taa-tënë, ngbanga ti so Yingo-Vuru ayeke taa-tënë.

Aye so Nzapa afa 1:1

Mbeti so afa tënë ti aye so Jésus Christ afa na Jean na ya ti mbeni ye tongana bango-li. Nzapa amu lege na Christ ti fa ni si azo ti kua ti lo ahinga ye so Nzapa aleke titene asi fafadeso. Christ atokua *ange ti lo ti fa ye ni na Jean.

Aye so Nzapa afa 1:19

Ye so mo baa ni so, wala ye ti fadeso, wala ye so ayeke si gbanda, mo su tënë ni na mbeti.