Jean 16:10 - Mbeti ti Nzapa - Tënë so amu fini

¹⁰ Azo ni ayeke handa tere ti ala na ndö ti tënë ti ye ti mbirimbiri, ndali ti so mbi yeke gue na Babâ si ala, azo ti mbi, ala yeke kiri ti baa mbi pepe.

Jean 16:10 ပူးပေါင်းရင်းမြစ်များ

Ésaïe 42:21

Ndali ti mbirimbiri ti lo wani, KOTA GBIA aye ti fa so *Ndia ti lo ayeke kota si ayeke pendere mingi.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Jean 16:28

Mbi londo na Babâ si mbi ga na dunia. Fadeso, mbi yeke zia dunia ti kiri na Babâ.”

Jean 16:5

Me fadeso, mbi yeke kiri na tere ti lo so lo tokua mbi, me zo oko na popo ti ala ahunda mbi pepe, atene: ‘Mo yeke gue na ndo wa?’

Jean 3:14

Alingbi a kanga Molenge ti Zo na nduzu na ndö ti keke, tongana ti so Moïse akanga ando ngbo na nduzu na benyama,

Jean 5:32

Me mbeni zo nde laa ayeke tene tënë na ndö ti mbi. Mbi hinga so, tënë so lo yeke tene na ndö ti mbi ayeke taa-tënë.

Jean 7:33

Jésus atene: “Mbi yeke duti kete na popo ti ala si na pekoni, mbi yeke kiri na tere ti lo so atokua mbi.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Awatokua 2:32

“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e.

Awatokua 3:14

Lo so lo yeke nde, lo yeke nzoni kue si lo yeke mbirimbiri, ala ke lo si ala hunda titene Pilate azi na ala zo ti fango zo ti zia ngia na be ti ala.

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Rome 1:17

Biani, Nzoni Tënë ni afa na le ti azo lege so Nzapa asara titene azo aga mbirimbiri na le ti lo: gi na lege ti mabe, na tongo ndani ngbii asi na ndani, tongana ti so Mbeti ti Nzapa atene: “Zo so aga mbirimbiri na lege ti mabe, fade lo yeke duti na fini.”

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Galasii 5:5

Ti e, e yeke zia be ti e ti ku titene Nzapa wani asara si e ga mbirimbiri na le ti lo. Yingo ti Nzapa laa ayeke sara titene e yeke ku ye ni na lege ti mabe.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.