Jean 15:16 - Mbeti ti Nzapa - Tënë so amu fini

¹⁶ Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Jean 15:16 ပူးပေါင်းရင်းမြစ်များ

Tongo nda ti aye 18:18

Fade Abraham ayeke ga kotara ti mbeni kota mara so ayeke ngangu. Na lege ti lo, mbi yeke sara tufa na ndö ti azo ti amara ti ndö ti sese kue.

Abia (Psaumes) 145:4

Fade azo ti ngoi oko oko ayeke tene tënë ti akota ye so mo sara na azo ti ambeni ngoi so ayeke ga na peko!

Abia (Psaumes) 71:18

Ataa so mbi ga mbakoro si kua ti li ti mbi avuru awe, Nzapa, mo zia mbi pepe; tongaso si mbi lingbi ti fa ngangu ti mo na azo ti fadeso nga na azo so ayeke ga na peko.

Amato 11:30

Sarango ye ti zo ti mbirimbiri ayeke tongana keke so ayeke mu fini na zo. Zo so ayeke na ndara, fade lo yeke woko be ti azo titene ala mu peko ti lo.

Ésaïe 27:6

Na ya ti angoi so ayeke ga, fade mara ti Jacob ayeke ga tongana keke so agunda ni asigigi, Israel ayeke ga tongana keke so kugbe asigigi daa, akongo ni asigigi; ale ti keke ni ayeke mu ndö ti dunia kue.

Mishe 5:7

Azo ti Israel so ayeke ngba na fini na popo ti amara gbani gbani, ayeke ga tongana bamara na popo ti anyama ti ngonda, tongana kete bamara na popo ti ataba. Na hongo ti lo na popo ti ala, lo yeke do ala na gere ti lo si lo yeke suru ya ti ala; zo oko alingbi ti zi ala na maboko ti lo pepe.

Matthieu 21:22

Ye so kue ala yeke hunda na mabe na lege ti sambela, fade ala yeke wara ni.”

Matthieu 7:7

“Ala hunda ye si fade a mu na ala; ala gi ye si fade ala wara; ala pika yanga ti da si fade a zi na ala.

Nzoni Tënë so Luc asu na mbeti 6:13

So ndo ahan awe, lo iri adisiple ti lo si lo soro ambeni baleoko na use, lo di iri ti ala *awatokua.

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.

Jean 15:19

Tongana ala yeke fade azo ti dunia so, ka dunia ni aye ala ndali ti so ala yeke ti lo. Me mbi soro ala na popo ti azo ti dunia si ala yeke azo ti dunia mbeni pepe. Ndani laa dunia ni ake ala.

Jean 15:5

Mbi yeke keke ti vinye, ala yeke amaboko ni. Zo so aduti oko na mbi si mbi duti oko na lo, fade lo yeke le mingi. Tongana ala duti nde na mbi, ala lingbi ti sara ye oko pepe.

Jean 6:70

Jésus akiri tënë na ala, atene: “Mbi laa mbi soro ala so baleoko na use so pepe? Andaa mbeni zo oko na popo ti ala ayeke ti lo mbeni zabolo!”

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 10:41

na azo kue pepe, me gi na e. Nzapa asoro e kozoni titene e baa lo si e fa peko ti ye so e baa. Na peko ti so lo zingo na kuâ, e na lo, e te, e nyon.

Awatokua 22:14

Lo tene na mbi: ‘Nzapa ti akotara ti e asoro mo titene mo hinga ye so lo ye, mo baa Jésus, zo ti mbirimbiri si mo ma nga tënë so lo yeke tene na yanga ti lo wani.

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Rome 1:13

A-ita, mbi ye si ala hinga so fani mingi, mbi leke be ti mbi ti gue ti baa ala, me lege akanga na mbi ngbii asi laso. Mbi yeke na nzara ti si kâ titene mbi sara kua si mbi wara lengo ni tongana ti so mbi wara na popo ti azo ti amara nde.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Rome 15:4

Atënë so kue a su ando na ya ti Mbeti ti Nzapa, a su ni titene e hinga ye na lege ni. Mbeti ti Nzapa ayeke mu na e lege ti kanga be ti e, ti mu ngangu na be ti e si e zia be ti e ti ku ye so Nzapa atene tënë ni.

Rome 9:21

Wasarango-ta alingbi ti sara ta tongana ti so be ti lo aye. Gi na oko potopoto ti sese ni, lo yeke sara ata use: mbeni ayeke ta ti matanga, mbeni ayeke ti sarango na ye lakue lakue.

1 Korente 10:11

Aye so asi ando na akotara ti e titene e manda ye na lege ni. A su ni na mbeti ti gboto mê ti e, ngbanga ti so e yeke na ngoi so nda ti aye kue aga nduru ti si awe.

Galasii 1:15

So mbi de na ya ti mama ti mbi, Nzapa azia mbi nde, lo iri mbi na lege ti nzoni be ti lo. Na ndembe so Nzapa aye

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

Kolose 1:6

Nzoni Tënë asi na popo ti ala, azo ti Kolose. Na ndö ti dunia kue, Nzoni Tënë ni ayeke gue gi na nduzu si azo ayeke baa aye ti peko ni. Ye ni ayeke gi tongaso na popo ti ala, ti londo na ndembe so ala yamba Nzoni Tënë ni si ala hinga taa-tënë na ndö ti lege so Nzapa ayeke sara nzoni be na azo.

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.

2 Timothée 1:11

Ndali ti fango Nzoni Tënë so laa Nzapa azia mbi *watokua na zo ti fango nda ti tënë ti lo na azo.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

Tite 1:5

Mbi zia mo na zoa ti Krete titene mo leke tanga ti gere ti kua ni si mo zia nga *akangba na ndö ti a-Eglize so ayeke na ya ti agbata ni oko oko kue. Ayeke nzoni mo sara aye ni tongana ti so mbi fa na mo.

Ahebro 11:4

Na lege ti mabe, Abel amu na Nzapa *sandaga so ayeke nzoni ahon ti Kain. Ndali ti mabe ti Abel, Nzapa atene, lo yeke zo ti mbirimbiri si lo yeda na aye so Abel amu. Na lege ti mabe si Abel angba ti tene tënë laso na e, ataa so lo kui awe.

Jacques 3:18

Azo so aye siriri, ala yeke sara si azo so ayeke nduru na ala aduti na siriri; sarango ye ti ala akpa lungo ale ti kobe, lengo ni so ala yeke ko ayeke sarango ye ti mbirimbiri.

1 Pierre 3:15

Na be ti ala, ala ne Christ, *Kota Gbia ti ala. Ala duti lakue nduru ti kiri tënë na azo so ayeke hunda na ala tënë na ndö ti ye so ala zia be ti ala ti ku.

1 Pierre 3:2

akoli ni ayeke baa gi sarango ye ti ala so ayeke *nzoni nga na nengo so ala, awali ni ayeke ne tere ti ala.

1 Jean 4:10

Nda ti tënë ti ndoye ayeke so: e laa e ye Nzapa pepe, me Nzapa laa aye e si lo tokua Molenge ti lo ti mu tere ti lo na *sandaga ti zi asiokpari ti e.

1 Jean 4:19

Ti e, e yeke na ndoye, ngbanga ti so Nzapa aye e kozoni.