Jean 15:12 - Mbeti ti Nzapa - Tënë so amu fini

¹² Ndia ti mbi ayeke so: ala ye tere na popo ti ala, tongana ti so mbi ye ala.

Jean 15:12 ပူးပေါင်းရင်းမြစ်များ

Malashii 1:2

KOTA GBIA atene na azo ti lo: “Mbi ye ala.” Me ala tene: “Nyen laa afa atene mo ye e?” KOTA GBIA akiri tënë: “Ezau ayeke ita ti Jacob pepe? – So tënë ti yanga ti KOTA GBIA laa – Andaa mbi ye Jacob,

Jean 13:34

Mbi yeke mu na ala fini ndia: ala ye tere na popo ti ala! Alingbi ala ye tere na popo ti ala tongana ti so mbi ye ala.

Jean 15:17

Ye so mbi mu yanga na ala ti sarango ni ayeke titene ala ye tere na popo ti ala.”

Rome 12:10

Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

1 Tesalonike 3:12

Ayeke nzoni Kota Gbia asara si yengo so ala ye tere na popo ti ala nga na yengo so ala ye na azo kue ague guengo na nduzu, alingbi na yengo so e ye na ala!

1 Tesalonike 4:9

Tënë ti yengo tere na popo ti ala tongana a-ita, so ayeke ye titene mbeni zo akiri asu mbeti na ala na ndö ni pepe, ngbanga ti so Nzapa afa na ala lege ti yengo tere awe.

2 Tesalonike 1:3

A-ita, alingbi e ngba ti mu singila lakue na Nzapa ndali ti ala. So ayeke na legeni, ngbanga ti so mabe ti ala ayeke gue lakue na nduzu si yengo so ala ye tere na popo ti ala ayeke mai lakue.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.

1 Jean 3:23

Ndia ti lo ayeke so: e ma na be na iri ti Molenge ti lo Jésus Christ si e ye nga tere na popo ti e alingbi na yanga so Christ amu na e.

1 Jean 4:21

Ndia so Christ amu na e ayeke so: zo so aye Nzapa, alingbi lo ye nga ita ti lo.

2 Jean 1:5

Fadeso, mbi hunda na mo, kota Wali, titene e kue, e ye tere na popo ti e. Ye so mbi su na mo na mbeti ayeke mbeni fini tënë ti ndia pepe, me tënë ti ndia so e yeke na ni, ngbene ye na tongo nda ni.