Jean 14:8 - Mbeti ti Nzapa - Tënë so amu fini

⁸ Philippe atene na lo: “Kota Gbia, fa na e Babâ, awe.”

Jean 14:8 ပူးပေါင်းရင်းမြစ်များ

Mbeti ti Job 33:26

Tongana lo sambela, Nzapa ayeke yeda na lo, lo luti na dawa ti Nzapa, lo yeke dekongo na ngia, ngbanga ti so Nzapa azi tënë na li ti lo awe.

Abia (Psaumes) 17:15

Ti mbi, fade mbi yeke baa le ti mo, ngbanga ti so mbi yeke mbirimbiri. Tongana mbi zingo na lango, mbi yeke baa le ti mo, mbi yeke baa ni ngbii be ti mbi ade.

Abia (Psaumes) 63:2

Nzapa, mo laa mo yeke Nzapa ti mbi; mbi yeke gi mo; be ti mbi asara nzara ti mo tongana ti so nzara ti ngu asara zo, tere ti mbi kue ayeke na nzara ti mo mingi tongana kuru sese so aye ngu, tongana sese so ahole si ngu ayeke daa pepe.

Matthieu 5:8

Ti ala nzoni, ala so ayeke na vuru be, ngbanga ti so ala yeke baa ande Nzapa!

Jean 1:48

Natanael ahunda Jésus, atene: “Mo hinga mbi na ndo wa?” Jésus akiri tënë na lo, atene: “Na ndembe so mo yeke fade na gbe ti keke ti fige, kozo titene Philippe airi mo, mbi baa mo.”

Jean 16:25

“Mbi tene na ala atënë so na lege ti atoli. Ngbonga ni ayeke ga ande so mbi yeke kiri ti tene tënë na ala na lege ti toli pepe, me mbi yeke tene tënë na ala na ndo ti Babâ polele.