Jean 14:4 - Mbeti ti Nzapa - Tënë so amu fini

⁴ Ndo so mbi yeke gue daa so, ala hinga lege ni awe.”

Jean 14:4 ပူးပေါင်းရင်းမြစ်များ

Nzoni Tënë so Luc asu na mbeti 24:26

Alingbi fade titene *Mesii abaa pasi kozoni si lo li na ya ti gonda ti lo pepe?”

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 13:3

Jésus ahinga so Babâ azia aye kue na maboko ti lo. Lo hinga nga so lo londo na Nzapa, lo ga si lo yeke kiri ande na Nzapa.

Jean 14:2

Ndo ti duti ayeke mingi na ya ti da ti Babâ ti mbi. Ndani laa, mbi tene na ala kozoni, mbi tene: ‘Mbi yeke gue ti leke ndo na ala.’ Tongana ye ni ayeke tongaso pepe, ka mbi tene na ala kozoni pepe.

Jean 14:28

Ala ma fade tënë so mbi tene: ‘Mbi yeke gue, me mbi yeke kiri na tere ti ala.’ Tongana ala ye fade mbi, ka ala duti na ngia ndali ti so mbi yeke gue na Babâ. Biani, Babâ ayeke kota ahon mbi.

Jean 14:3

Tongana mbi gue, mbi leke ndo na ala awe, fade mbi yeke kiri ti mu ala na tere ti mbi si ala nga, ala duti na ndo so mbi yeke duti daa.

Jean 14:5

Thomas atene na lo: “*Kota Gbia, e hinga ndo so mo yeke gue daa pepe. Fade e yeke hinga lege ni tongana nyen?”

Jean 16:28

Mbi londo na Babâ si mbi ga na dunia. Fadeso, mbi yeke zia dunia ti kiri na Babâ.”

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”