Jean 14:3 - Mbeti ti Nzapa - Tënë so amu fini

³ Tongana mbi gue, mbi leke ndo na ala awe, fade mbi yeke kiri ti mu ala na tere ti mbi si ala nga, ala duti na ndo so mbi yeke duti daa.

Jean 14:3 ပူးပေါင်းရင်းမြစ်များ

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 14:28

Ala ma fade tënë so mbi tene: ‘Mbi yeke gue, me mbi yeke kiri na tere ti ala.’ Tongana ala ye fade mbi, ka ala duti na ngia ndali ti so mbi yeke gue na Babâ. Biani, Babâ ayeke kota ahon mbi.

Jean 14:4

Ndo so mbi yeke gue daa so, ala hinga lege ni awe.”

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Awatokua 1:11

Akoli ni atene na ala: “Ala azo ti Galile, ala ngba ti luti na ndo so ti baa ndo na nduzu ngbanga ti nyen? Jésus so a mu lo na popo ti ala ague na lo na yayu so, fade lo yeke kiri gi tongana ti so ala baa lo na guengo ni na yayu.”

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

Filipe 1:23

Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

2 Tesalonike 1:12

Tongaso, fade ala yeke sara si iri ti Kota Gbia ti e Jésus awara gonda, lo yeke sara si ala nga awara gonda. Ye so nzoni be ti Nzapa ti e na ti Kota Gbia Jésus Christ ayeke sara laa.

2 Timothée 2:12

tongana e gbu ngangu, fade e na lo kue, e yeke le-gbia; tongana e bere tënë ti lo, fade lo nga, lo yeke bere tënë ti e;

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.