Jean 14:10 - Mbeti ti Nzapa - Tënë so amu fini

¹⁰ Mbi na Babâ, e yeke oko; mo ma na be na ni pepe? Atënë so mbi yeke tene na ala so alondo na mbi pepe, me Babâ so e na lo, e yeke oko laa ayeke sara aye ti lo wani.

Jean 14:10 ပူးပေါင်းရင်းမြစ်များ

Jean 10:30

Mbi na Babâ, e yeke oko.”

Jean 10:38

Me tongana mbi yeke sara ni, ataa ala yeda na tënë ti mbi pepe, ayeke nzoni ala yeda na aye so mbi yeke sara si ala hinga so mbi na Babâ, e ga oko.”

Jean 11:26

Zo so kue ayeke na fini si lo ma na be na mbi, lo yeke kui laoko pepe. Mo ma na be na tënë so?”

Jean 12:49

Mbi tene tënë so alondo na mbi wani pepe, me Babâ so atokua mbi laa amu yanga na mbi na ndö ti tënë so alingbi mbi tene nga na ye so alingbi mbi fa.

Jean 14:11

Ala ma na be so mbi na Babâ, e yeke oko. Tongana ala ma na be na mbi pepe, ala ma na be ndali ti aye so mbi sara.

Jean 14:20

Na lango ni so, fade ala yeke hinga atene, mbi na Babâ, e yeke oko, mbi na ala nga, e yeke oko.

Jean 14:24

Zo so aye mbi pepe, lo yeke sara ye alingbi na atënë ti mbi pepe. Tënë so mbi tene na ala so alondo na mbi wani pepe, me alondo na Babâ so atokua mbi.

Jean 17:8

Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Jean 5:17

Me Jésus akiri tënë na ala: “Babâ ti mbi ayeke sara kua lakue, mbi nga, mbi yeke sara kua.”

Jean 5:19

Jésus amu tënë si lo tene na ala: “Biani, mbi tene na ala taa-tënë: Molenge ni ayeke sara ye ti be ti lo wani pepe, lo yeke sara gi ye so lo baa Babâ ti lo na sarango ni. Ye so kue Babâ asara, Molenge ni nga ayeke sara,

Jean 7:16

Jésus akiri tënë na ala: “Ye so mbi yeke fa na ala alondo na mbi wani pepe, me alondo na lo so atokua mbi.

Jean 8:28

Jésus atene na ala: “Tongana ala kanga ande *Molenge ti Zo na nduzu, fade ala yeke hinga so ‘Mbi Yeke’; fade ala yeke hinga so mbi yeke sara ye gi na li ti mbi pepe, me mbi yeke tene gi tënë so Babâ afa na mbi.

Jean 8:38

Mbi yeke tene ti mbi gi tënë ti ye so mbi baa na Babâ ti mbi; ala yeke sara ti ala gi ye so ala ma na yanga ti babâ ti ala.”

Jean 8:40

Ataa so mbi yeke tene na ala taa-tënë so mbi ma na yanga ti Nzapa, ala yeke gi lege fadeso ti fâ mbi. Abraham asara mara ti ye tongaso laoko pepe!

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

2 Korente 5:19

Biani, Nzapa laa asara si songo akiri na popo ti lo na azo na lege ti Christ. Lo kanga le ti lo na ndö ti asiokpari ti azo, lo zia tënë ti lekengo songo na yanga ti e ti tene ni na azo.

Kolose 1:19

Biani, Nzapa ayeda ti duti kue kue kue na ya ti Molenge ti lo.

Kolose 2:9

Biani, Nzapa aduti kue kue kue na ya ti tere ti Christ so aga zo.

1 Jean 5:7

Ala yeke ota so ayeke fa atene, ye ni ayeke taa-tënë: