Jean 13:8 - Mbeti ti Nzapa - Tënë so amu fini

⁸ Pierre atene na lo: “Mo ye ti sukula gere ti mbi? Oko pepe!” Jésus atene na lo: “Tongana mbi sukula gere ti mo pepe, mbeni ye so mo lingbi ti ku na mbage ti mbi ayeke daa pepe.”

Jean 13:8 ပူးပေါင်းရင်းမြစ်များ

Tongo nda ti aye 42:38

Jacob atene: “Molenge ti mbi ayeke gue na ala pepe, ngbanga ti so ita ti lo akui awe si lo ngba gi lo oko. Tongana mbeni ye ti sioni asi na lo na lege so ala yeke gue daa, fade ala sara titene mbi so kua ti li ti mbi avuru kue awe so, mbi gue na vundu na be ti mbi na ndo ti akuâ.”

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

Abia (Psaumes) 51:2

David adema tere ti lo na peko ti so wayanga-Nzapa Natan aga asuku na lo ndali ti so lo gi Batsheba, wali ti mba ti lo.

Abia (Psaumes) 51:7

Baa, a du mbi na ya ti siokpari; gi so mbi de na ya ti mama ti mbi, mbi yeke zo ti sarango sioni.

Ésaïe 4:4

KOTA GBIA ayeke tokua yingo ti fango ngbanga nga na yingo so ayeke gbi ye tongana wâ ti zi sioni ti azo ti Sion, ti sukula Jérusalem ndali ti mene so atuku na ya ti gbata ni.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Matthieu 16:22

Pierre amu Jésus, ague na lo yongoro kete si lo to nda ti suku na lo, lo tene: “*Kota Gbia Nzapa abata mo! Ye so mo tene tënë ni so ayeke si na mo pepe!”

Matthieu 21:29

Lo kiri tënë na babâ ti lo, lo tene: ‘Mbi ye pepe’; me na pekoni, be ti lo aso ndali ti tënë so lo tene so si lo gue na yaka ni.

Matthieu 26:33

Pierre atene na lo: “Tongana azo kue azia mo ahon, fade mbi yeke zia mo oko pepe.”

Matthieu 26:35

Pierre atene na lo: “Tongana ayeke titene mbi na mo, e kui, mbi yeke bere tënë ti mo oko pepe!” Adisiple ni kue atene gi oko tënë so.

Jean 13:6

Lo si na Simon Pierre, me Simon Pierre atene na lo: “*Kota Gbia, mo ye ti sukula gere ti mbi?”

Jean 13:9

Simon Pierre atene na lo: “Tongaso, Kota Gbia, mo sukula gi gere ti mbi pepe, me mo sukula gere ti mbi, maboko ti mbi na li ti mbi kue!”

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Awatokua 22:16

Nyen laa mo yeke ku fadeso? Londo, mo wara bateme, Nzapa azi siokpari ti mo na lege so mo di iri ti lo.’ ”

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Ndia ti fani use ni 12:12

Kâ na ya ti da ti KOTA GBIA Nzapa ti ala, fade be ti ala ayeke si singo na ngia, ala na amolenge ti ala ti koli na ti wali, na azo ti kua ti ala ti koli na ti wali nga na azo ti mara ti Lévi so ayeke duti na ya ti agbata ti ala. Biani, azo ti mara ti Lévi awara sese pepe ti ga ti ala tongana ti so ala, atanga ti azo ti mara ti Israel, awara ni.

Kolose 2:18

A-ita, alingbi ala zia amara ti azo tongaso afâ ngbanga na li ti ala pepe. Ambeni zo ni aye ti sara tere ti ala lakue na le ti azo tongana akete zo si ala yeke voro *a-ange, ala zia be ti ala gi na ndö ti aye so ala baa na ya ti mbeni ye tongana bango-li. Hingango ndo ti ala ayeke senge gbungo-li ti azo, asara si ala baa tere ti ala kota ahon azo kue.

Kolose 2:23

Biani, na le ti azo, andia so akpa ye ti ndara: vorongo Nzapa ti li ti zo wani, sarango tere tongana kete zo, sarango tere na pasi; me so kue ayeke gi asenge senge ye ndali ti so, aye ni alingbi ti sara si zo akanga anzara ti be ti lo pepe.

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.

Aye so Nzapa afa 7:14

Mbi kiri tënë na lo, mbi tene: “Kota zo, mo laa mo hinga.” Lo kiri tënë na mbi: “Ala yeke azo so a sara ngangu mingi na ala na ngoi ti aye ti ngangu. Ala sukula bongo ti ala na ya ti mene ti Molenge ti Taba, ala sara si bongo ni avuru.”