Jean 13:14 - Mbeti ti Nzapa - Tënë so amu fini

¹⁴ Mbi so mbi yeke Wafango-ye si mbi yeke nga Kota Gbia, mbi sukula gere ti ala, alingbi ala nga, ala sukula gere ti ala na popo ti ala.

Jean 13:14 ပူးပေါင်းရင်းမြစ်များ

Jean 11:2

– Marie ayeke wali so atuku lani yombo na ndö ti gere ti *Kota Gbia Jésus si lo mbo ni na kua ti li ti lo. Ita ti lo Lazare laa ayeke na kobela so. –

Awatokua 20:35

Lakue, mbi fa na ala ti sara kua si fade ala lingbi ti mu maboko na azo ti mawa. Ala dabe ti ala na atënë so *Kota Gbia Jésus wani atene: ‘Mungo ye anzere ahon warango ye!’ ”

Rome 12:10

Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.

Rome 12:16

Ala ma tere na popo ti ala. Ala gi kota ndo pepe, me ala yeda ti sara asenge kua. Ala baa tere ti ala tongana azo ti ndara pepe.

1 Korente 12:3

Ndani laa, mbi tene na ala: zo so Yingo ti Nzapa ayeke tene tënë na lege ti lo, lo lingbi ti tene sioni tënë na iri ti Jésus pepe. Tongana Yingo-Vuru ayeke na zo pepe, zo ni alingbi ti tene pepe: “Jésus ayeke *Kota Gbia”.

1 Korente 8:13

Ndani laa, tongana tengo mbeni kobe laa asara si ita ti mbi ati, fade mbi yeke zia lege ti tengo nyama biani biani, tongaso si ita ti mbi ati pepe.

2 Korente 10:1

Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Galasii 5:13

Ala a-ita, Nzapa airi ala titene ala sigigi na gbe ti ngbaa. Gi ye oko, ayeke nzoni sigingo na gbe ti ngbaa ni aga mbeni ye titene ala luti na ndö ni ti sara aye alingbi na asioni nzara ti be ti ala pepe. Me na lege ti ndoye, ala sara kua na amba ti ala na popo ti ala.

Filipe 2:11

si ala kue atene na yanga ti ala, atene: Jésus Christ ayeke *Kota Gbia si ala gonda Nzapa Babâ.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

1 Pierre 4:1

Christ abaa pasi na ya ti tere ti lo ti zo. Tongaso, ala nga, ala hinga biani na be ti ala atene, zo so abaa pasi na ya ti tere ti lo ti zo, lo kangbi na siokpari awe. Alingbi tënë so aduti na be ti ala tongana mbeni ye ti bira.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”