Jean 13:13 - Mbeti ti Nzapa - Tënë so amu fini

¹³ Ala yeke iri mbi ‘Wafango-ye’ wala ‘*Kota Gbia’, so lege ni laa, ngbanga ti so mbi yeke Wafango-ye si mbi yeke nga Kota Gbia biani.

Jean 13:13 ပူးပေါင်းရင်းမြစ်များ

Jérémie 1:12

KOTA GBIA atene na mbi: “Mo baa ye ni nzoni! Fade le ti mbi ayeke kpengba na ndö ti tënë ti mbi, ti sara si aga taa-tënë.”

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Nzoni Tënë so Luc asu na mbeti 10:28

Jésus atene na lo: “Mo kiri tënë na legeni. Sara ye ni tongaso si fade mo ngba na fini.”

Nzoni Tënë so Luc asu na mbeti 6:46

“Ngbanga ti nyen laa ala yeke iri mbi: ‘*Kota Gbia, Kota Gbia’, me ala sara ye alingbi na tënë so mbi tene so pepe?

Nzoni Tënë so Luc asu na mbeti 7:43

Simon akiri tënë: “Ti be ti mbi, mbi tene ayeke lo so a zia na lo kota nginza so.” Jésus atene na lo: “Tënë ti mo ayeke na legeni.”

Jean 11:2

– Marie ayeke wali so atuku lani yombo na ndö ti gere ti *Kota Gbia Jésus si lo mbo ni na kua ti li ti lo. Ita ti lo Lazare laa ayeke na kobela so. –

Jean 11:28

So Marthe atene tënë so na Jésus awe, lo kiri, lo iri ita ti lo Marie si lo tene na ya ti mê ti lo, lo tene: “Wafango-ye ayeke na ndo so, lo iri mo.”

Jean 11:3

A-ita ti Lazare ti wali atokua na Jésus, atene: “Kota Gbia, zo so mo ye lo mingi so, tere ti lo ayeke so.”

1 Korente 12:3

Ndani laa, mbi tene na ala: zo so Yingo ti Nzapa ayeke tene tënë na lege ti lo, lo lingbi ti tene sioni tënë na iri ti Jésus pepe. Tongana Yingo-Vuru ayeke na zo pepe, zo ni alingbi ti tene pepe: “Jésus ayeke *Kota Gbia”.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

Efeze 6:9

Ala awa ti angbaa, ala sara nga tongaso na angbaa ti ala; ala zia ti suku na ala. Ayeke nzoni ala hinga atene, ala na angbaa ti ala kue, ala yeke amolenge ti Kota Gbia so ayeke na yayu; lo yeke mu mbage ti mbeni zo pepe.

Filipe 2:11

si ala kue atene na yanga ti ala, atene: Jésus Christ ayeke *Kota Gbia si ala gonda Nzapa Babâ.

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ

Jacques 2:19

Mo ma na be so Nzapa ayeke gi oko? So nzoni. Asioni yingo nga ama na be so lo yeke gi oko si tere ti ala yeke do.