Jean 13:12 - Mbeti ti Nzapa - Tënë so amu fini

¹² So Jésus ahunzi sukulango gere ti ala awe, lo kiri lo yu bongo ti lo; lo kiri na tere ti kobe ni. Lo hunda ala, lo tene: “Ala hinga nda ti ye so mbi sara na ala so?

Jean 13:12 ပူးပေါင်းရင်းမြစ်များ

Ezekiel 24:19

Azo ahunda mbi, atene: “Tene na e, ye so mo sara so, mo ye ti fa na e nyen?”

Ezekiel 24:24

Ezekiel asara ye so ti fa na ala kozoni, ye so ayeke si ande. Fade ala yeke sara ye gi tongana ti so lo sara so. Tongana ye ni asi, fade ala yeke hinga atene, mbi laa mbi yeke Kota Gbia NZAPA.”

Matthieu 13:51

Jésus ahunda ala, atene: “Ala ma ya ti atënë so kue?” Azo ni ayeda, atene: “E ma ya ni awe.”

Marc 4:13

Na pekoni, Jésus ahunda ala, atene: “Ala hinga nda ti toli so pepe? Fade ala yeke hinga nda ti tanga ti atoli ni kue tongana nyen?

Nzoni Tënë so Luc asu na mbeti 22:27

Biani, na popo ti zo so aduti ti te kobe na zo so ayeke sara kua ti kobe ni, zo wa laa ayeke kota zo? Ayeke lo so aduti ti te kobe so pepe? Ti mbi, mbi yeke na popo ti ala tongana zo so ayeke mu kobe na azo!

Jean 13:4

Tongaso, lo londo na tere ti kobe ni, lo zi bongo ti lo ti ndö ni si lo mu mbeni bongo, lo kanga na ya ti lo.

Jean 13:7

Jésus akiri tënë na lo, atene: “Mo lingbi ti hinga fadeso nda ti ye so mbi yeke sara so pepe, me mo yeke hinga nda ni na peko.”