Jean 12:6 - Mbeti ti Nzapa - Tënë so amu fini

⁶ Lo tene tënë so, ngbanga ti so tënë ti azo ti mawa agbu be ti lo pepe, me ngbanga ti so lo yeke zo ti nzi: lo yeke bata bozo ti nginza si lo yeke nzi nginza so azo ayeke bi na ya ni.

Jean 12:6 ပူးပေါင်းရင်းမြစ်များ

Abia (Psaumes) 14:1

Bia ti David; bia so ayeke ndali ti makonzi-bia. Azo so li ti ala ayeke daa pepe ayeke tene na be ti ala: “Nzapa ayeke daa lawa!” Azo so abuba awe, ala sara sioni ye so akpa titene zo asara pepe; zo oko ti sara nzoni ayeke daa pepe.

Amato 29:7

Zo ti mbirimbiri ayeke gbu koko ti awayere; me zo ti sioni ayeke na li pepe ti hinga tënë ni.

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Matthieu 21:13

Lo tene na ala: “A su na ya ti Mbeti ti Nzapa, atene: ‘Fade a yeke iri da ti mbi da ti sambelango Nzapa.’ Me ti ala, ala sara si da ni aga du so azo ti nzi ayeke honde tere ti ala daa!”

Nzoni Tënë so Luc asu na mbeti 8:3

lo na Jeanne, wali ti Kuza, wabatango aye ti Herode, na Suzanne na ambeni wali mingi so ayeke mu ye ti ala wani ti mu maboko na Jésus na adisiple ti lo.

Jean 10:13

Zo so ayeke sara kua gi ndali ti nginza ayeke bata ataba ni nzoni pepe.

Jean 12:5

“Ngbanga ti nyen si a ka yombo so na ale ti nginza ngbangbo ota si amu nginza ni na azo ti mawa pepe?”

Jean 13:29

Judas laa ayeke bata bozo ti nginza. Nilaa ambeni disiple atene na be ti ala, Jésus aye ti tene: “Gue mo vo kobe ti matanga ni”, wala “Gue mo mu mbeni ye na azo ti mawa.”

1 Korente 6:10

azo ti nzi, azo so kota nzara ti warango ye ayeke na be ti ala, azo so ayeke ngbaa ti samba, azo ti dungo mvene na li ti amba ti ala, azo ti gbungo ye ti azo na ngangu, fade Kodro-gbia ti Nzapa ayeke ga ti ala pepe.

Galasii 2:10

Ye oko so ala hunda na e ti sara ayeke titene e girisa ti mu maboko na azo ti mawa pepe; ye so mbi zia be ti mbi kue ti sarango ni laa.

1 Tesalonike 5:22

ala kpe ye so kue ayeke ye ti sioni.

Jacques 2:2

E mu mbeni tapande: mbeni zo ti mosoro ayu pendere bongo, bage ti lôro ayeke na maboko ti lo, lo ga lo li na ya ti bongbi ti ala si mbeni wayere so ayu gbagba bongo aga ali nga na ya ti bongbi ni.

Jacques 2:6

Me ti ala, ala yeke baa awayere na le ti ala tongana abuba zo! A-ita, azo wa laa ayeke gboto ala na sese si ayeke gue na ala na gbe ti azo ti fango ngbanga? Azo ti mosoro pepe?