Jean 12:3 - Mbeti ti Nzapa - Tënë so amu fini

³ Na pekoni, Marie amu ngbenda ti yombo so a sara ni na ngu ti mbeni kete keke so iri ni nare ti nzoni ni, so ngere ni ayeke ngangu mingi. Lo tuku yombo ni na ndö ti gere ti Jésus si lo mbo ni na kua ti li ti lo. Fion ti yombo ni amu ya ti da ni kue.

Jean 12:3 ပူးပေါင်းရင်းမြစ်များ

Abia (Psaumes) 132:2

David laa adeba yanga ti lo na KOTA GBIA; lo mu zendo na ngangu Nzapa ti Jacob, lo tene:

Amato 27:16

Zo so aye ti kanga lege na lo ayeke tongana zo so aye ti kanga lege na pupu wala ti gbu mafuta na ya ti maboko ti lo.

B. ti abia 1:12

Na ngoi so kue gbia ti mbi ayeke duti ti te ye ti lo, fion ti yombo ti *nare ti mbi ayeke fun, amu ndo kue.

B. ti abia 1:3

afun pendere ahon ayombo ti mo. Iri ti mo ayeke yombo so afun amu ndo kue, ndani laa amaseka-wali aye mo mingi so.

B. ti abia 4:10

Ita ti mbi ti wali, mo so mo yeke ga wali ti mbi so, yengo so mo ye na mbi ayeke nzoni mingi, yengo so mo ye na mbi ayeke nzoni ahon vin. Fungo ti yombo ti mo afun nzoni ahon fungo ti ayombo kue.

Nzoni Tënë so Luc asu na mbeti 10:42

Taa nzoni ye ayeke gi oko. Marie laa asoro ti lo taa nzoni ye ni: fade mbeni zo ti zi ni na maboko ti lo ayeke daa pepe.”

Nzoni Tënë so Luc asu na mbeti 7:46

Mo sara mafuta na li ti mbi pepe; me lo, lo tuku yombo na gere ti mbi.

Jean 11:2

– Marie ayeke wali so atuku lani yombo na ndö ti gere ti *Kota Gbia Jésus si lo mbo ni na kua ti li ti lo. Ita ti lo Lazare laa ayeke na kobela so. –

Jean 11:28

So Marthe atene tënë so na Jésus awe, lo kiri, lo iri ita ti lo Marie si lo tene na ya ti mê ti lo, lo tene: “Wafango-ye ayeke na ndo so, lo iri mo.”

Jean 11:32

Marie ague, asi na ndo so Jésus ayeke daa. So Marie abaa Jésus, lo ti na gbe ti lo si lo tene na lo: “*Kota Gbia, tongana mo yeke fade na ndo so, ka ita ti mbi akui pepe!”

Jean 19:39

Nikodeme so ague lani na bi ti baa Jésus, lo na Joseph laa aga. Lo mu mbeni yombo so a bongbi *mire na aloes si asara na ni; lo ga na ni kilo baleota.