Jean 12:23 - Mbeti ti Nzapa - Tënë so amu fini

²³ Jésus akiri tënë na ala, atene: “Ngbonga titene a gonda *Molenge ti Zo alingbi awe.

Jean 12:23 ပူးပေါင်းရင်းမြစ်များ

Ésaïe 55:5

Mo Israel, fade mo yeke iri mara so mo hinga ni pepe; mara so ahinga mo pepe ayeke mu loro ti ga na mbage ti mo. Lo yeke ga ndali ti mbi KOTA GBIA, Nzapa ti mo, Nzapa ti Israel so ayeke nde si ayeke nzoni kue, lo so lo sara si mo wara gonda.”

Ésaïe 60:9

Biani, akodro so ayeke na ya ti azoa azia be ti ala ti ku mbi. Amangboko ti Tarsis ahon kozo, ala londo yongoro si ayeke ga na amolenge ti mo; ala yeke ga na wen ti nginza nga na lôro. Ala ga ti gonda KOTA GBIA, Nzapa ti mo, Nzapa ti Israel so ayeke nde si ayeke nzoni kue, Nzapa so amu nengo na mo.

Matthieu 25:31

“Na ndembe so *Molenge ti Zo ayeke ga ande na ya ti gonda ti lo na *a-ange ti lo kue na tere ti lo, lo yeke duti na ndö ti mbata ti lo ti gbia so ayeke mbata ti gonda.

Matthieu 26:45

Lo kiri lo ga na mbage ti adisiple si lo tene na ala: “Ala ngba ti lango? Ala ngba ti wu tere ti ala? Ngbonga ni aga nduru awe; a yeke mu *Molenge ti Zo ti zia lo na maboko ti azo ti siokpari.

Marc 14:35

Lo gue yongoro kete, lo ti na sese si lo sambela titene tongana lege ayeke daa, ngbonga ti pasi so ahon yongoro na tere ti lo.

Marc 14:41

So lo kiri lo ga ti fani ota ni, lo tene na ala: “Ala ngba ti lango? Ala ngba ti wu tere ti ala? Alingbi awe! Ngbonga ni alingbi awe; a yeke mu *Molenge ti Zo ti zia lo na maboko ti azo ti siokpari.

Jean 12:16

Adisiple ti lo ama ya ti tënë so hio pepe. Me na ndembe so Jésus ali na ya ti gonda ti lo awe, ala dabe ti ala na tënë so Mbeti ti Nzapa atene na ndö ti lo: ye ni kue laa azo asara na lo so.

Jean 12:27

“Fadeso be ti mbi ayeke na siriri pepe. Fade mbi yeke tene nyen? Wala mbi tene: ‘Babâ, zi mbi na ya ti ngoi ti pasi so ayeke ga!’ Me ayeke ngbanga ti ngoi ti pasi so laa mbi ga.

Jean 13:1

Angba lango oko titene *matanga ti Pake asi. Jésus ahinga so ngbonga ti lo ti zia dunia so ti kiri na Babâ alingbi awe. Azo ti lo so ayeke na dunia so, lo ye ala lakue, lo ye ala ngbii asi na ndani.

Jean 7:39

Jésus ayeke tene tënë ti Yingo-Vuru so fade azo so ama na be na lo ayeke wara. Na ndembe ni so Yingo-Vuru ade ti ga pepe, ngbanga ti so Jésus ade ti wara gonda ti lo pepe.