Jean 12:20 - Mbeti ti Nzapa - Tënë so amu fini

²⁰ Ambeni greke ayeke na popo ti azo so ague ti voro Nzapa na matanga so ayeke na Jérusalem.

Jean 12:20 ပူးပေါင်းရင်းမြစ်များ

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Marc 7:26

Andaa wali so ayeke zuife pepe; a du lo na Fenisii, na sese ti Sirii. Lo voro Jésus ti tumba sioni yingo so ayeke na ya ti molenge ti lo.

Jean 12:1

So angba lango omene titene *matanga ti Pake asi, Jésus ague na Betanii, kodro ti Lazare, koli so lo zingo lo na kuâ so.

Jean 12:19

Tongaso *afarizien atene na popo ti ala: “Ala baa awe? Ye ni akara ala awe: azo ti dunia kue ague gi na peko ti lo!”

Jean 7:35

Azuife ahunda tere ti ala, atene: “Lo yeke gue ande na ndo wa si e wara lo pepe so? Lo ye ti gue na ndo ti azuife so akangbi tere ti ala na ya ti akodro ti agreke so? Lo yeke gue kâ ti fa ye na agreke ni?

Awatokua 14:1

So Paul na Barnabas asi na Ikoniom, ye so asi na Antioshe, gi ni laa asi kâ: ala li na ya ti da ti sambelango Nzapa ti azuife, ala fa tënë si gba ti azuife na azo ti amara nde ama na be.

Awatokua 16:1

Paul asi na gbata ti Derbe nga na Listre. Mbeni disiple so iri ti lo Timothée ayeke kâ; mama ti lo ayeke mbeni zuife so ama na be, me babâ ti lo ayeke greke.

Awatokua 17:4

Ambeni zuife, ala na ambeni wali ti kota ndo na gba ti agreke so ayeke voro Nzapa, ala yeda na tënë ni si ala mu peko ti Paul na Silas.

Awatokua 20:21

Mbi iri azuife na azo ti amara nde titene ala zia ngbene lege ti sarango ye ti ala, ala kiri na Nzapa si ala ma na be na Kota Gbia ti e Jésus.

Awatokua 21:28

Ala dekongo: “Azo ti Israel, ala ga hio si-oo! Lo laa, koli so ayeke fa ye na azo na ndo kue si fango ye ti lo ni ake azo ti Israel, ake *Ndia ti Moïse nga na kota da ti Nzapa so! Fadeso lo mu azo ti amara nde, lo li na ala na ya ti kota da ti Nzapa si lo sara titene da ni aga *sioni!”

Awatokua 8:27

Lo londo hio si lo gue. Andaa mbeni *mbaiwa ti Etiopii so ayeke kota wabatango-mosoro ti Kandas, gbia-wali ti Etiopii, ague na Jérusalem ti voro Nzapa.

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Rome 10:12

Tongaso, azuife na azo ti amara nde kue ayeke gi legeoko: Kota Gbia ti ala ayeke gi oko, lo yeke mu anzoni ye mingi na ala so kue airi lo titene lo mu maboko na ala.

Galasii 2:3

Ataa Tite, mba ti mbi so mara ti lo ayeke greke, mbeni zo agbu lo na ngangu pepe titene lo fâ *ganza.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.