Jean 11:53 - Mbeti ti Nzapa - Tënë so amu fini

⁵³ Ti londo na lango ni so, amakonzi ti azuife aleke tënë ti fâ Jésus.

Jean 11:53 ပူးပေါင်းရင်းမြစ်များ

Tongo nda ti aye 37:18

A-ita ti lo abaa lo na ndembe so lo ngba yongoro. Kozo titene lo si na tere ti ala, ala leke tënë ti fâ lo.

Néhémie 13:21

Mbi gboto mê ti ala, mbi tene: “Ngbanga ti nyen si ala lango na dawa ti gbagba ti Jérusalem? Tongana ala kiri asara ni, fade mbi yeke gbu ala!” Ti londo na ngoi ni so, ala kiri aga na ndo so na lango ti wungo tere pepe.

Néhémie 4:16

Na ngoi ni so, mbi mu yanga na azo ti li ti kua ni titene ala oko oko na azo ti kua ti ala alango na ya ti Jérusalem, tongaso si na bi, ala baa ndo na tere ti e si na kota lâ, ala kiri na yanga ti kua.

Abia (Psaumes) 113:2

Ayeke nzoni azo amu singila na KOTA GBIA, ti londo fadeso ti gue na ni, kpu na kpu!

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Abia (Psaumes) 31:13

Be ti azo agirisa na mbi tongana ti so be ti azo ayeke girisa na zo so akui awe. Mbi yeke tongana gbagba ta so a bi ni awe.

Abia (Psaumes) 71:10

Awato ti mbi ayeke tene tënë ti mbi, azo so ayeke *bembe mbi ama tere awe.

Jérémie 38:15

Jérémie akiri tënë na Sedesias, atene: “Tongana mbi tene taa-tënë na mo, fade mo yeke fâ mbi pepe? Tongana mbi mu wango na mo, mo yeke ma ni pepe!”

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Matthieu 12:14

So *afarizien asigigi na ya ti da ti sambelango Nzapa, ala bongbi ti gbu li ti ala ti gi lege ti fâ Jésus.

Matthieu 16:21

Ti londo na ndembe ni so, Jésus ato nda ti tene tënë polele na adisiple ti lo, atene: “Alingbi mbi gue na Jérusalem ti baa pasi mingi na maboko ti *akangba na akota wayango-sandaga na awafango-ndia. Ala yeke fâ mbi, me na lango ota ni, mbi yeke zingo na kuâ.”

Matthieu 22:46

Zo oko na popo ti ala awara tënë ti tenengo ni na Jésus pepe. Ti londo na lango ni so, zo oko na popo ti ala azi yanga ti hunda lo na mbeni tënë pepe.

Matthieu 26:4

Ala leke tënë ti gbu Jésus na lege ti mbeni mayere titene ala fâ lo.

Matthieu 26:59

Akota wayango-sandaga na azo kue ti *Kota Bongbi ti Fango Ngbanga ayeke gi lege ti wara mbeni tënë ti mvene ti bi na li ti Jésus, ti fâ ngbanga ti kuâ na li ti lo;

Marc 14:1

*Matanga ti Pake na ti Mapa so a sara na mama ni pepe angba lango use. Akota wayango-sandaga na awafango-ndia ayeke gi lege ti gbu Jésus na lege ti mbeni mayere titene ala fâ lo.

Marc 3:6

So *afarizien asigigi na ya ti da ti sambelango Nzapa ni, ala gue hio awara azo ti kama poroso ti Herode; ala bongbi ti gi lege ti fâ Jésus.

Jean 11:47

Tongaso afarizien na akota wayango-sandaga airi *Kota Bongbi ti Fango Ngbanga, ala tene: “Fade e yeke sara nyen? Koli so ayeke sara aye ti kpene mingi!

Jean 12:10

Akota wayango-sandaga aleke tënë na popo ti ala ti fâ nga Lazare,

Jean 7:1

Na pekoni, Jésus atambula na ya ti sese ti Galile; lo ye ti tambula na ya ti sese ti Judée pepe, ngbanga ti so azuife ayeke gi lege ti fâ lo.

Awatokua 5:33

So azo ti fango ngbanga ni ama tënë so, ngonzo agbu ala ahon ndoni si ala ye ti fâ awatokua ni.

Awatokua 9:23

Lango mingi na pekoni, azuife ama tere ti fâ lo.