Jean 11:51 - Mbeti ti Nzapa - Tënë so amu fini

⁵¹ Andaa tënë so lo tene so alondo na lo wani pepe; me ndali ti so lo yeke kota wayango-sandaga na ngu ni so, lo tene gi peko ti tënë ti yanga ti Nzapa ti fa so Jésus ayeke kui ngbanga ti mara ti azuife.

Jean 11:51 ပူးပေါင်းရင်းမြစ်များ

Sigingo 28:30

Ti mo Moïse, fade mo yeke zia na ya ti bozo ti fango ngbanga ni Urim na Tumim. Tongaso aye ni ayeke duti na kate ti Aaron na ndembe so lo yeke ga na dawa ti mbi. Biani, Aaron ayeke yu aye so lakue na kate ti lo na ndembe so lo yeke ga na dawa ti mbi, tongaso si lo lingbi ti hinga ye so be ti mbi aye na mbage ti azo ti Israel.”

Daniel 9:26

Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Wungo ti azo 22:28

KOTA GBIA asara si mama ti lele ni atene tënë si lo tene na Balaam: “Nyen laa mbi sara na mo si mo pika mbi fani ota so?”

Wungo ti azo 24:2

Balaam ayo le ti lo na nduzu si lo baa azo ti Israel asara bâbâ ti ala mara na mara. Yingo ti Nzapa aga na ndö ti lo.

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Jean 10:15

tongana ti so Babâ ahinga mbi si mbi hinga Babâ. Mbi yeke ka fini ti mbi ndali ti ataba ti mbi.

Jean 11:49

Mbeni oko na popo ti ala so iri ti lo Kaife, ayeke kota wayango-sandaga na ngu ni so; lo tene: “Li ti ala ayeke daa pepe!

Jean 18:13

Ala gue na lo kozoni na Hane, babâ ti wali ti Kaife so ayeke kota wayango-sandaga na ngu ni so.

1 Korente 13:2

Tongana mbi yeke na matabisi ti tenengo peko ti tënë ti yanga ti Nzapa, tongana mbi hinga nda ti aye so kue angba na hondengo ni, tongana mbi hinga ye kue, tongana mbi yeke na mabe ti sara si ahoto alondo ahon si mbi ye amba ti mbi pepe, mbi yeke ye oko pepe.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.

1 Samuel 23:9

David ama a tene, Saul aye ti sara sioni na lo si lo tene na wayango-sandaga Abiatar, lo tene: “Ga na efod si.”

1 Samuel 28:6

Lo hunda *KOTA GBIA, me KOTA GBIA akiri tënë na lo pepe, ataa na lege ti bango-li, wala na lege ti ye so a iri ni Urim wala na lege ti awayanga-Nzapa.