Jean 11:47 - Mbeti ti Nzapa - Tënë so amu fini

⁴⁷ Tongaso afarizien na akota wayango-sandaga airi *Kota Bongbi ti Fango Ngbanga, ala tene: “Fade e yeke sara nyen? Koli so ayeke sara aye ti kpene mingi!

Jean 11:47 ပူးပေါင်းရင်းမြစ်များ

Matthieu 26:3

Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Marc 14:1

*Matanga ti Pake na ti Mapa so a sara na mama ni pepe angba lango use. Akota wayango-sandaga na awafango-ndia ayeke gi lege ti gbu Jésus na lege ti mbeni mayere titene ala fâ lo.

Nzoni Tënë so Luc asu na mbeti 22:2

Akota wayango-sandaga na awafango-ndia ayeke gi lege ti fâ Jésus; me ala sara mbeto ti azo ti kodro.

Jean 11:57

Akota wayango-sandaga na afarizien amu yanga, atene: “Tongana mbeni zo ahinga ndo so Jésus ayeke daa, lo tene tënë ni si a lingbi ti gbu lo.”

Jean 12:19

Tongaso *afarizien atene na popo ti ala: “Ala baa awe? Ye ni akara ala awe: azo ti dunia kue ague gi na peko ti lo!”

Jean 2:11

Lege so Jésus asara kozo ye ti kpene na Kana, mbeni kodro ti Galile laa. Lo fa gonda ti lo si adisiple ti lo ama na be na lo.

Jean 6:2

Gba ti azo amu peko ti lo, ngbanga ti so ala baa aye ti kpene so lo sara ti kai kobela na tere ti azo.

Jean 7:32

*Afarizien ama atënë so gba ti azo ayeke tene na gbe ti go ti ala na tere ti Jésus. Tongaso akota wayango-sandaga na afarizien atokua aturugu ti gue ti gbu lo.

Jean 7:45

Aturugu ni akiri na tere ti akota wayango-sandaga na *afarizien. Ala hunda aturugu ni, atene: “Ala ga na lo pepe ngbanga ti nyen?”

Awatokua 5:21

Awatokua ama yanga ti ange so: na ndaperere, ala gue, ali na ya ti kota da ti Nzapa si ala to nda ti fa ye na azo. Kota wayango-sandaga na azo ti tere ti lo airi *akangba ti azuife si ala bongbi, ala na azo ti *Kota Bongbi ti Fango Ngbanga kue. Na pekoni, ala tokua titene a mu awatokua, a ga na ala na gbe ti ala.

Awatokua 5:24

So akota wayango-sandaga na makonzi ti aturugu ti kota da ti Nzapa ama tënë so, ala hinga li ti ala na ye ni pepe; ala hunda tere ti ala, atene: “Ye ni ayeke ga ande tongana nyen!”