Jean 11:44 - Mbeti ti Nzapa - Tënë so amu fini

⁴⁴ Tongaso Lazare asigigi, maboko ti lo na gere ti lo angba na kangango ni na ya ti abongo so a lu lo na ni; bongo so a kanga na le ti lo angba na le ti lo. Jésus atene na azo ni: “Ala zi abongo ni na tere ti lo, ala zia lo, lo gue.”

Jean 11:44 ပူးပေါင်းရင်းမြစ်များ

Tongo nda ti aye 1:3

Nzapa atene: “Ayeke nzoni ndo avuru!” Si ndo ni avuru.

Abia (Psaumes) 33:9

Lo laa lo tene tënë si ye ni asi; lo laa lo mu yanga si ye ni abaa gigi.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Marc 5:43

Me Jésus agboto mê ti ala ngangu titene ala tene tënë ni na zo oko pepe. Na pekoni, lo tene na ala: “Ala mu na lo mbeni ye ti tengo ni.”

Nzoni Tënë so Luc asu na mbeti 19:20

Mbeni aga atene ti lo, atene: ‘Kota Gbia, baa, le ti nginza ti mo laa; mbi mu ni, mbi kanga na ya ti bongo si mbi bata ni.

Nzoni Tënë so Luc asu na mbeti 7:15

Tongaso kuâ ni alondo aduti si lo to nda ti tene tënë. Jésus akiri na lo na mama ti lo.

Jean 10:30

Mbi na Babâ, e yeke oko.”

Jean 11:39

Lo mu yanga na ala, lo tene: “Ala zi têne ni!” Marthe, ita ti kuâ ni, atene: “*Kota Gbia, kuâ ti lo ni ato nda ti fun awe. Lo sara lango osio awe.”

Jean 11:43

Na peko ti tënë so, Jésus adekongo, lo tene: “Lazare, sigigi!”

Jean 19:40

Akoli use so amu kuâ ti Jésus, ala kanga na bongo, ala zia yombo daa tongana ti so azuife ayeke sara lakue ti lu na akuâ ti ala.

Jean 20:5

Lo kuku si lo baa akamba ti bongo so alango na sese, me lo li na ya ti du ni pepe.

Jean 20:7

nga na abongo so a kanga na li ti Jésus. Bongo ni na akamba ti bongo ni ayeke na ndo oko pepe, me a kanga ni si a zia ni nde.

Jean 5:21

Tongana ti so Babâ ayeke zingo akuâ si lo yeke mu na ala fini, Molenge nga ayeke mu fini na zo so be ti lo aye.

Jean 5:25

Biani, mbi tene na ala taa-tënë: mbeni ngbonga ayeke ga si ngbonga ni alingbi awe so akuâ ayeke ma go ti Molenge ti Nzapa si ala so ama go ni ayeke kiri ti duti na fini.

Filipe 3:21

Lo laa lo yeke mu tere ti e so ayeke tere ti pasi ti sara ni alingbi na tere ti lo ti gonda. Lo yeke sara tongaso na lege ti ngangu so lo yeke na ni ti sara si aye kue aduti na gbe ti komandema ti lo.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.

1 Samuel 2:6

KOTA GBIA laa ayeke sara si zo akui, lo laa lo yeke sara si zo akiri na fini. KOTA GBIA laa ayeke sara si zo azu na ndo ti akuâ, lo laa lo yeke sara si zo asigigi na ndo ti akuâ.