Jean 11:43 - Mbeti ti Nzapa - Tënë so amu fini

⁴³ Na peko ti tënë so, Jésus adekongo, lo tene: “Lazare, sigigi!”

Jean 11:43 ပူးပေါင်းရင်းမြစ်များ

Marc 4:41

Me tere ti ala kue ado, ala hunda tere ti ala, atene: “Zo so ayeke zo wa si pupu na ngu kue ayeke ma yanga ti lo so?”

Jean 11:42

Mbi hinga so, mo yeke ma mbi lakue, me mbi yeke tene tënë so titene azo so ayeke na tere ti mbi ge so alingbi ti ma na be so mo laa mo tokua mbi.”

Jean 11:44

Tongaso Lazare asigigi, maboko ti lo na gere ti lo angba na kangango ni na ya ti abongo so a lu lo na ni; bongo so a kanga na le ti lo angba na le ti lo. Jésus atene na azo ni: “Ala zi abongo ni na tere ti lo, ala zia lo, lo gue.”

Jean 12:1

So angba lango omene titene *matanga ti Pake asi, Jésus ague na Betanii, kodro ti Lazare, koli so lo zingo lo na kuâ so.

Jean 12:9

Gba ti azuife ama a tene, Jésus ayeke na Betanii. Tongaso ala gue kâ, gi ndali ti Jésus pepe, me ti baa nga Lazare, lo so Jésus azingo lo na kuâ so.

Awatokua 3:12

So Pierre abaa azo ni, lo tene na ala: “Azo ti Israel, ngbanga ti nyen laa be ti ala ayeke do ndali ti ye so asi so? Ala yeke baa e kpoo tongaso ngbanga ti nyen? Ala baa ti ala atene, na ngangu ti e wani wala ngbanga ti so e gbu tënë ti Nzapa mingi laa e sara titene koli so atambula?

Awatokua 3:6

Me Pierre atene na lo: “Mbi yeke na nginza wala lôro pepe, me ye so mbi yeke na ni, mbi yeke mu na mo: na iri ti Jésus Christ, zo ti Nazaret, londo, mo tambula!”

Awatokua 9:34

Pierre atene na lo: “Ene, Jésus Christ akai kobela ti mo awe! Londo, mo leke gbogbo ti mo!” Gi hio tongaso, Ene alondo.

Awatokua 9:40

Pierre ahunda na azo ni kue ti sigigi; lo kuku na sese, lo sambela. Na pekoni, lo baa ndo na mbage ti kuâ ni si lo tene: “Tabita, londo!” Wali ni azi le ti lo si na bango Pierre, lo londo, lo duti na nduzu.