Jean 11:40 - Mbeti ti Nzapa - Tënë so amu fini

⁴⁰ Jésus akiri tënë na lo, atene: “Mbi tene fade na mo, mbi tene: ‘Tongana mo ma na be, fade mo yeke baa gonda ti Nzapa!’ ”

Jean 11:40 ပူးပေါင်းရင်းမြစ်များ

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Abia (Psaumes) 63:2

Nzapa, mo laa mo yeke Nzapa ti mbi; mbi yeke gi mo; be ti mbi asara nzara ti mo tongana ti so nzara ti ngu asara zo, tere ti mbi kue ayeke na nzara ti mo mingi tongana kuru sese so aye ngu, tongana sese so ahole si ngu ayeke daa pepe.

Abia (Psaumes) 90:16

Ayeke nzoni azo ti kua ti mo abaa anzoni ye so mo sara si *ahale ti ala abaa gonda ti mo!

Sigingo 16:7

Kekereke na ndaperere, fade ala yeke baa gonda ti KOTA GBIA, ngbanga ti so KOTA GBIA ama kasango ndo so ala kasa lo so. E, e yeke ti e zo wa si ala yeke kasa e so?”

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Marc 9:23

Jésus atene na lo: “Ngbanga ti nyen si mo tene: ‘Tongana mo lingbi ti sara?’ Zo so ama na be, lo lingbi ti sara ye kue!”

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 11:4

So Jésus ama tënë ni, lo tene: “Kobela ti Lazare so ayeke fâ lo pepe; me ayeke sara si azo agonda Nzapa. Na lege ti kobela so si azo ayeke gonda ande Molenge ti Nzapa.”

Jean 12:41

Ésaïe atene ando tënë so, ngbanga ti so lo baa gonda ti Jésus si lo tene tënë ti lo.

Jean 9:3

Jésus akiri tënë na ala: “Ye so asara si lo ga waziba so ayeke siokpari ti lo wala siokpari ti babâ na mama ti lo pepe. Ye so asi na lo titene azo abaa ye so Nzapa ayeke sara na ya ti fini ti lo.

Rome 6:4

Tongaso, na lege ti bateme, a lu e legeoko na Christ si e ga oko na lo na lege ti kuâ so lo kui; me Christ azingo na kuâ na lege ti ngangu ti Babâ titene e nga, e sara si dutingo ti e aga nde.

2 Korente 3:18

E so kue a zi bongo ni na le ti e awe, azo ayeke baa gonda ti Kota Gbia na ndö ti le ti e tongana ti so zo ayeke baa ye na ya ti tatara. Yingo ti Kota Gbia ayeke sara titene e ga nde, e kpa Kota Gbia si gonda ti e ayeke gue guengo lakue na nduzu.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.