Jean 11:25 - Mbeti ti Nzapa - Tënë so amu fini

²⁵ Jésus atene na lo: “Mbi yeke zingongo ti akuâ, mbi yeke fini. Zo so ama na be na mbi, ataa lo kui, fade lo yeke duti na fini.

Jean 11:25 ပူးပေါင်းရင်းမြစ်များ

Abia (Psaumes) 36:9

Anzoni kobe asi singo na ya ti da ti mo, azo ayeke te ni ya ti ala asi; anzerengo ye ti mo ayeke tongana ngu ti *bale, azo ayeke nyon na ngia.

Ésaïe 26:19

Azo ti mbi, azo ti ala so akui so, ala yeke kiri ti duti na fini, ala yeke zingo na kuâ. Ala azo so alango na ya ti fuku ti sese, ala zingo, ala dekongo na ngia! Biani, *KOTA GBIA ayeke tokua na ala ngu ti pere so ayeke mu lumiere, ndali ti ngu ti pere ni, sese ayeke sara si akuâ akiri ti duti na fini.

Ésaïe 38:16

KOTA GBIA, ye so asi na mbi ando so, mo hinga ni kue, nilaa mo sara si mbi ngba na fini; mo kiri ngangu na mbi, mo bata mbi na fini.

Nzoni Tënë so Luc asu na mbeti 23:43

Jésus atene na lo: “Mbi tene na mo taa-tënë: gi laso, laso, mo yeke duti legeoko na mbi na *paradi.”

Jean 1:4

Fini ayeke na ya ti lo si fini ni ayeke lumiere ndali ti azo.

Jean 14:19

Ngoi angba gi kete si azo ti dunia so ayeke kiri ti baa mbi pepe. Me ti ala, fade ala yeke baa mbi, ngbanga ti so mbi yeke na fini si ala nga, ala yeke duti na fini.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Jean 5:21

Tongana ti so Babâ ayeke zingo akuâ si lo yeke mu na ala fini, Molenge nga ayeke mu fini na zo so be ti lo aye.

Jean 5:26

Babâ ni ayeke na ngangu ti mu fini na zo, Molenge ni nga ayeke na ngangu ti mu fini na zo, ngbanga ti so Babâ amu na lo ngangu ni awe.

Jean 6:35

Jésus atene na ala: “Mbi laa mbi yeke mapa so ayeke mu fini na zo. Zo so aga na mbi, fade nzara ti kobe ayeke sara lo laoko pepe; zo so ama na be na mbi, fade nzara ti ngu ayeke sara lo laoko pepe.

Jean 6:44

Tongana Babâ so atokua mbi airi mbeni zo pepe, zo ni alingbi ti ga na mbi pepe. Tongana zo ni aga na mbi, fade mbi yeke zingo lo na kuâ na lango ti ndani.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Rome 4:17

Biani, Mbeti ti Nzapa atene: “Mbi sara si mo ga kotara ti gba ti amara.” Na le ti Nzapa, lo yeke taa kotara ti e ndali ti mabe ti lo. Nzapa so ayeke mu fini na akuâ, na lege ti tënë ti yanga ti lo, ye so ayeke daa pepe, lo sara si ye ni abaa gigi.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

1 Korente 15:18

So aye ti fa nga atene, ala so aga oko na Christ si ala kui so, ala girisa biani awe.

1 Korente 15:29

Tongana ye ni ayeke tongaso pepe, nyen laa azo so ayeke wara bateme ndali ti akuâ so ayeke gi? Tongana akuâ ayeke zingo pepe, ngbanga ti nyen si azo ni ayeke hunda titene ala wara bateme ndali ti akuâ ni?

2 Korente 4:14

Biani, e hinga so, Nzapa so azingo Kota Gbia Jésus na kuâ, fade lo yeke zingo nga e na Jésus si lo yeke zia e na ala titene e duti na tere ti lo.

Filipe 1:23

Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

Filipe 3:10

Ye so mbi ye, ayeke ti hinga Christ, lo na ngangu so azingo lo na kuâ, ti baa pasi legeoko na lo si mbi ga tongana lo na ndembe ti kuâ ti lo.

1 Tesalonike 4:14

E ma na be so Jésus akui si azingo na kuâ awe. Legeoko nga, e ma na be so, azo so ama na be na Jésus si ala kui, fade Nzapa ayeke zingo ala na kuâ si lo yeke bongbi ala na Jésus na ndo oko.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.

Aye so Nzapa afa 20:5

Atanga ti akuâ ni akiri na fini pepe ngbii ngu saki oko ni ahunzi si. So kozo zingongo ti akuâ laa.

Aye so Nzapa afa 21:4

Lo yeke mbo ande ngu ti le ti ala kue. Fade kuâ, wala mua, wala toto wala pasi ayeke duti daa mbeni pepe, ngbanga ti so angbene ye kue ahon awe.”

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.