Jean 11:15 - Mbeti ti Nzapa - Tënë so amu fini

¹⁵ Mbi yeke na ngia ndali ti ala, ngbanga ti so mbi yeke fade kâ pepe, tongaso si ala lingbi ti ma na be na mbi. Me e gue na tere ti lo.”

Jean 11:15 ပူးပေါင်းရင်းမြစ်များ

2 Timothée 2:10

Ndani laa mbi yeke kanga be ti mbi na ya ti aye so kue ngbanga ti azo so Nzapa asoro ala. Tongaso, ala nga, fade ala yeke wara lege ti soo kuâ na lege ti gango so ala ga oko na Jésus Christ si ala yeke wara gonda so ayeke ngba lakue lakue.

Jean 17:19

Ndali ti nzoni ti ala, mbi bata tere ti mbi nde ndali ti mo titene ala nga, ala bata tere ti ala nde ndali ti mo na lege ti taa-tënë.

Jean 12:30

Jésus atene na ala: “Go so atoto ndali ti mbi pepe, me ndali ti ala.

Jean 11:4

So Jésus ama tënë ni, lo tene: “Kobela ti Lazare so ayeke fâ lo pepe; me ayeke sara si azo agonda Nzapa. Na lege ti kobela so si azo ayeke gonda ande Molenge ti Nzapa.”

Jean 2:11

Lege so Jésus asara kozo ye ti kpene na Kana, mbeni kodro ti Galile laa. Lo fa gonda ti lo si adisiple ti lo ama na be na lo.

Ésaïe 65:8

Tënë so KOTA GBIA atene ayeke so: Tongana azo awara gba ti ale ti *vinye so abe, ala yeke tene: “E buba ni pepe, ngbanga ti so tufa ayeke na ya ni”. Mbi yeke sara ande gi tongaso ndali ti azo ti kua ti mbi; fade mbi yeke buba ye kue pepe.

Ésaïe 54:15

Tongana mbeni zo aga ti tiri na mo, mbi laa mbi yeke tokua lo pepe. Zo so ayeke tiri na mo, lo yeke ti na dawa ti mo.

1 Jean 5:13

Ala so ama na be na Molenge ti Nzapa, mbi su tënë so na mbeti na ala titene ala hinga so, ala yeke na fini so angba lakue lakue.

2 Korente 4:15

Aye so kue ayeke si na e ndali ti ala titene azo so Nzapa asara nzoni be na ala, wungo ti ala ayeke gue gi na nduzu, tongaso si gba ti azo amu singila na lo si ala gonda lo.

Abia (Psaumes) 105:14

Me Nzapa azia zo oko ti sara pasi na ala pepe, lo pika agbia ndali ti ala.

Tongo nda ti aye 39:5

Ti londo na ndembe so Potifar azia lo na ndö ti azo ti da ti lo na aye ti lo kue, KOTA GBIA asara tufa na ndö ti azo ti da ti lo na aye ti da ti lo ndali ti Joseph. Tufa ti KOTA GBIA aga na ndö ti aye ti da ti zo ti Ezipte nga na ndö ti ayaka ti lo.

Tongo nda ti aye 26:24

Na bi ni, KOTA GBIA asi na lo si atene na lo: “Mbi yeke Nzapa ti babâ ti mo Abraham. Mo sara mbeto pepe, ngbanga ti so mbi yeke na mo. Ndali ti Abraham, zo ti kua ti mbi, mbi yeke sara tufa na ndö ti mo si mbi yeke sara titene *ahale ti mo awu mingi.

Jean 11:14

Tongaso Jésus atene na ala polele, atene: “Lazare akui awe.

Jean 11:16

Thomas, so mbeni iri ti lo ayeke Ngbo, atene na amba ti lo adisiple: “E nga, e na Jésus e gue si e na lo kue, e kui!”