Jean 11:11 - Mbeti ti Nzapa - Tënë so amu fini

¹¹ Na peko ti tënë so, Jésus atene na ala: “Lazare so e na lo, e ye tere, alango awe; me mbi yeke gue ti zingo lo.”

Jean 11:11 ပူးပေါင်းရင်းမြစ်များ

2 Agbia 4:31

Me Gehazi asi kozo ti ala. Lo zia keke ni na ndö ti le ti molenge-koli ni, me molenge ni atene tënë oko pepe, lo sara nga tere ti lo kete pepe. Gehazi akiri ague, awara Élisée si atene peko ti tënë ni na lo, atene: “Molenge ni azingo pepe.”

2 Mbai 20:7

Mo laa mo yeke Nzapa ti e so mo tumba ando azo ti kodro so na dawa ti azo ti Israel, azo ti mo; mo mu kodro ni na *ahale ti Abraham so aye mo mingi; mo mu kodro ni na ala titene aga ti ala biani biani!

Sigingo 33:11

KOTA GBIA ayeke tene tënë na Moïse le na le tongana ti so zo ayeke tene tënë na mba ti lo. Na pekoni, Moïse ayeke kiri na ya ti bâbâ. Me Josué, molenge ti Nune, maseka so ayeke mu maboko na Moïse ayeke ngba ti lo na ya ti da ti bongo ni.

Ésaïe 41:8

“Ti mo Israel, zo ti kua ti mbi, mo Jacob so mbi soro mo, mo yeke *hale ti Abraham, kamarade ti mbi.

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Matthieu 27:52

yanga ti adu ti kuâ azi si azo mingi ti Nzapa so akui azingo na kuâ.

Matthieu 9:24

Lo tene na ala: “Ala kue asigigi! Molenge-wali so akui pepe, me lo yeke lango langongo!” Azo ni kue ahe Jésus na ngia.

Marc 5:39

Lo li na da ni si lo hunda ala, lo tene: “Nda ti aye so kue ayeke nyen? Ala yeke toto ngbanga ti nyen? Molenge so akui pepe, me lo yeke lango.”

Jean 11:10

Me tongana zo atambula na bi, lo yeke pika gere ti lo, ngbanga ti so ndo avuko na le ti lo.”

Jean 11:12

Adisiple akiri tënë, atene: “Kota Gbia, tongana lo lango, fade kobela ti lo ayeke kai senge.”

Jean 11:13

Andaa Jésus ayeke tene tënë ti kuâ ti Lazare, me adisiple abaa ti ala atene, lo yeke tene tënë ti senge lango so zo ayeke lango.

Jean 11:3

A-ita ti Lazare ti wali atokua na Jésus, atene: “Kota Gbia, zo so mo ye lo mingi so, tere ti lo ayeke so.”

Jean 3:29

Zo so ayeke na wali ayeke koli ti wali ni; me zo so lo na koli ti wali ni aye tere, lo yeke luti nduru na tere ti koli ni si lo yeke na ngia ti ma go ti koli ti wali ni. Nda ti ngia so mbi yeke na ni laa; laso ngia ni alingbi kue.

Awatokua 7:60

Na pekoni, lo kuku na sese si lo dekongo ngangu, lo tene: “Kota Gbia, zi siokpari so na li ti ala!” Na peko ti tënë so, lo kui.

1 Korente 15:18

So aye ti fa nga atene, ala so aga oko na Christ si ala kui so, ala girisa biani awe.

1 Korente 15:34

Ala sara ye tongana azo so li ti ala ayeke daa, ala sara siokpari pepe! Biani, ambeni zo na popo ti ala ahinga Nzapa pepe. A-ita, mbi yeke tene tënë so ti zia kamene na le ti ala.

1 Korente 15:51

Mbi ye ti fa na ala mbeni ye so angba na hondengo ni: fade e yeke kui kue pepe, me fade tere ti e kue ayeke ga nde

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

1 Tesalonike 5:10

so akui ndali ti e, tongaso si, ataa e ngba na fini wala e kui, e duti na fini oko na lo.

Jacques 2:23

Ye so asi alingbi na tënë so Mbeti ti Nzapa atene: “Abraham ama na be na Nzapa, tongaso Nzapa abaa lo tongana zo ti mbirimbiri”. Nzapa airi lo kamarade ti ni.