Jean 10:8 - Mbeti ti Nzapa - Tënë so amu fini

⁸ Azo so kue aga kozo ti mbi ayeke azo ti nzi na asioni zo; me ataba ni ama yanga ti ala pepe.

Jean 10:8 ပူးပေါင်းရင်းမြစ်များ

Jérémie 23:1

“So mawa! Awabatango-taba azia ataba ti mbi, ala yeke kui si ala yeke kangbi kirikiri!” So tënë ti yanga ti *KOTA GBIA laa.

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Sofonii 3:3

Amakonzi ti lo ayeke tongana abamara so ayeke toto; awafango-ngbanga ti lo ayeke tongana ambo ti ngonda so ate kobe ti ala ti lakui kue si na ndaperere, ala yeke na ye oko ti tengo ni pepe.

Zakarii 11:16

Biani, mbi yeke sara titene mbeni fini wabatango-taba abaa gigi na ya ti kodro ni: ataba so ahon kirikiri, tënë ti ala ayeke so be ti lo oko pepe; ala so agirisa, lo yeke gi ala pepe; ala so awara ka, lo yeke kanga ka ti ala pepe; ala so ayeke na seni, lo yeke mu kobe na ala pepe. Me ti ala so akono nzoni, lo yeke te ala si lo yeke zi *sokoto ti gere ti ala.”

Jean 10:1

Jésus atene: “Biani, mbi tene na ala taa-tënë: zo so ali na ya ti gbagba ti ataba na yanga ti gbagba ni pepe, me lo li na mbeni lege nde, andaa lo yeke zo ti nzi si lo yeke sioni zo.

Jean 10:27

Ataba ti mbi ahinga go ti mbi; mbi hinga ala si ala yeke mu peko ti mbi.

Jean 10:5

Ala yeke mu peko ti mbeni zo nde laoko pepe. Tongana ayeke mbeni zo nde, ala yeke kpe lo, ngbanga ti so ala hinga go ti zo ni pepe.”

Awatokua 5:36

Na ya ti alango so ahon, Tedas so lo tene, ni yeke mbeni kota zo, aga; azo nduru na ngbangbo osio amu peko ti lo. Me na peko ti so a fâ lo awe, azo so kue amu peko ti lo akangbi kirikiri si bongbi ti lo ni ali ngu.