Jean 10:6 - Mbeti ti Nzapa - Tënë so amu fini

⁶ Jésus atene na ala toli so, me ala ma ya ni pepe.

Jean 10:6 ပူးပေါင်းရင်းမြစ်များ

Abia (Psaumes) 106:7

Na ndembe so akotara ti e ayeke na Ezipte, mo sara aye ti kpene, me ala manda ye na lege ni oko pepe; ala girisa gba ti anzoni ye so mo sara, ala tomboka na tere ti mo na tere ti kota ngu-ingo ti Asosongo.

Abia (Psaumes) 82:5

Me ala anzapa ni so, ala hinga ye pepe, ala hinga ndo pepe, ala yeke tambula na ya ti vukongo ndo, ndani laa gere ti sese kue ayeke yingi.

Amato 28:5

Azo ti sioni ahinga nda ti sarango ye ti mbirimbiri oko pepe; me azo so ayeke gi KOTA GBIA, ala hinga nda ni kue.

Ésaïe 56:11

Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Daniel 12:10

Fade a yeke *sukula sioni ti azo mingi, ala yeke vuru si ala ga *nzoni. Azo ti sioni so ahinga nda ti ye pepe ayeke ngba ti sara asioni ye. Me azo so le ti ala ahan laa ayeke hinga nda ti ye so ayeke si.

Matthieu 13:34

Jésus atene tënë so kue na gba ti azo so gi na lege ti atoli. Lo tene tënë na ala na mbeni lege nde pepe, gi na lege ti atoli.

Matthieu 13:51

Jésus ahunda ala, atene: “Ala ma ya ti atënë so kue?” Azo ni ayeda, atene: “E ma ya ni awe.”

Marc 4:34

Lo fa tënë na azo na lege ti toli, me tongana lo yeke gi lo oko na adisiple ti lo, lo fa nda ti tënë ni kue na ala.

Jean 16:25

“Mbi tene na ala atënë so na lege ti atoli. Ngbonga ni ayeke ga ande so mbi yeke kiri ti tene tënë na ala na lege ti toli pepe, me mbi yeke tene tënë na ala na ndo ti Babâ polele.

Jean 16:29

Na pekoni, adisiple ti lo atene na lo: “Fadeso, mo yeke tene tënë polele, mo kiri mo tene tënë na lege ti atoli pepe.

Jean 6:52

Na ndö ti tënë so, azuife apapa na popo ti ala ngangu si ala tene: “Koli so alingbi ti mu tere ti lo na e ti te tongana nyen?”

Jean 6:60

Na mango atënë so, mingi ti adisiple ti Jésus atene: “Tënë so ayeke ngangu mingi! Zo wa laa alingbi ti yeda na ni?”

Jean 7:36

Lo tene: ‘Fade ala yeke gi mbi, me ala yeke wara mbi pepe, ngbanga ti so ala lingbi ti si na ndo so mbi yeke duti daa so pepe.’ So aye ti tene nyen?”

Jean 8:27

Jésus ayeke tene tënë ti Babâ, me ala hinga ti ala pepe.

Jean 8:43

Ala ma ya ti tënë ti mbi pepe, ngbanga ti nyen? Ngbanga ti so ala lingbi ti ma tënë ti mbi pepe.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

2 Pierre 2:22

Ye so asi na ala alingbi na toli so ayeke taa-tënë; toli ni atene: “Mbo akiri na tere ti kobe so lo de na sese awe” si “nguru so a sukula lo fafadeso, akiri ati na ya ti potopoto.”

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.