Jean 10:36 - Mbeti ti Nzapa - Tënë so amu fini

³⁶ Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?

Jean 10:36 ပူးပေါင်းရင်းမြစ်များ

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 42:3

Sosongo so a ba na sese awe, lo yeke fâ ni pepe; lamba so wâ ni aye ti mingo, lo yeke mingo ni pepe. Me lo yeke fa taa lege ti sarango ye ti mbirimbiri na azo.

Ésaïe 55:4

Mbi zia lo na tere ti amara tongana zo so ahinga ngangu ti mbi; mbi zia lo makonzi nga na zo so ayeke na komandema na ndö ti amara.

Jérémie 1:5

“Kozo titene mbi sara mo na ya ti mama ti mo, mbi hinga mo. Kozo titene mo sigigi na ya ti mama ti mo, mbi zia mo nde ndali ti mbi. Mbi zia mo nde titene mo duti zo ti tenengo peko ti atënë ti yanga ti mbi na amara nde.”

Matthieu 27:43

Lo zia be ti lo na Nzapa si lo tene: ‘Mbi yeke Molenge ti Nzapa.’ Nzapa ni aga azi lo fadeso, e baa!”

Matthieu 27:54

So makonzi ti aturugu ni na aturugu so ayeke bata Jésus abaa sese so ayingi nga na aye so kue asi, mbeto agbu ala mingi si ala tene: “Taa-tënë, lo yeke Molenge ti Nzapa!”

Nzoni Tënë so Luc asu na mbeti 1:35

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Jean 10:35

E hinga so, tënë so Mbeti ti Nzapa atene, zo alingbi ti mingo ni pepe. Andaa azo so Nzapa atene tënë ti ala ge so ayeke azo senge, me mbeti ti Ndia airi ala anzapa.

Jean 17:18

Mbi tokua ala na ndö ti dunia, tongana ti so mo tokua mbi na ndö ti dunia.

Jean 17:21

Mbi sambela titene ala kue aga gi oko! Babâ, ayeke nzoni ala ga oko na e, tongana ti so mbi na mo, e yeke oko. Ayeke nzoni ala ga oko si fade azo ti dunia ahinga atene, mo laa mo tokua mbi.

Jean 17:8

Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.

Jean 19:7

Azuife akiri tënë na lo: “Mbeni ndia ti e ayeke daa; na lege ti ndia ni so, lo lingbi na kuâ, ngbanga ti so lo tene, ni yeke Molenge ti Nzapa.”

Jean 20:28

Thomas akiri tënë na lo, atene: “*Kota Gbia ti mbi na Nzapa ti mbi!”

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 3:17

Nzapa atokua Molenge ti lo na dunia so ti fâ ngbanga na li ti azo ti dunia ni pepe, me ti soo ala.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Jean 5:30

Mbi lingbi ti sara ye ti be ti mbi wani pepe. Mbi yeke fâ ngbanga gi na lege ti tënë so mbi ma. Ngbanga ti mbi ayeke na legeni, ndali ti so mbi yeke gi ti sara ye ti be ti mbi wani pepe, me ye so be ti lo so atokua mbi aye.”

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Jean 6:38

Mbi londo na yayu, mbi ga na ndo so ti sara ye ti be ti mbi pepe, me ti sara ye so be ti lo so atokua mbi aye.

Jean 6:57

Babâ ti mbi so atokua mbi, lo yeke na fini; na lege ti lo laa mbi yeke na fini. Nilaa, zo so ate tere ti mbi, lo yeke ngba na fini na lege ti mbi.

Jean 6:69

E ma na be si e hinga so, mo yeke zo ti nzoni kue so Nzapa azia mo nde si lo tokua mo.”

Jean 8:42

Jésus atene na ala: “Tongana Nzapa ayeke fade Babâ ti ala, ka ala ye mbi, ngbanga ti so mbi londo na lo laa mbi ga. Mbi ga gi ti li ti mbi pepe, me lo laa lo tokua mbi.

Rome 1:4

Me na lege ti Yingo-Vuru, zingongo ti lo na popo ti akuâ afa na ngangu so lo yeke Molenge ti Nzapa: Jésus Christ, *Kota Gbia ti e.

Rome 8:3

Ndia ti Moïse alingbi ti sara ye so lani pepe, ngbanga ti so aye so atia na ya ti fini ti zo akanga lege na ndia ti sarango ni, me Nzapa asara ni: lo tokua Molenge ti lo wani so amu tere ti zo – tere so ayeke tongana ti zo ti siokpari – titene lo zi azo na ya ti siokpari. Na lege so, Nzapa afâ ngbanga na ndö ti siokpari so ayeke sara kua na ya ti tere ti zo.

Rome 9:5

ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife