Jean 10:32 - Mbeti ti Nzapa - Tënë so amu fini

³² Lo hunda ala, lo tene: “Na dawa ti ala, mbi sara anzoni ye mingi so alondo na Babâ. Ti so wa laa ala ye ti bo mbi na têne ngbanga ni so?”

Jean 10:32 ပူးပေါင်းရင်းမြစ်များ

Abia (Psaumes) 35:12

Nzoni so mbi sara, ala kiri gi sioni na mbi; fadeso mbi ngba gi mbi oko.

Zo ti bongbingo azo 4:4

Mbi kiri mbi baa so akua so azo ayeke baa pasi na sarango ni, ala ye ti ga nzoni ti hon amba ti ala. Ye so nga ayeke gi senge senge si ayeke tumbango peko ti pupu senge.

Jérémie 37:18

Na pekoni, Jérémie atene na gbia Sedesias: “Sioni ti nyen laa mbi sara na mo, wala na azo ti gbe ti mo, wala na azo ti gbata so si ala bi mbi na da ti kanga so?

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Jean 10:25

Jésus akiri tënë na ala, atene: “Mbi tene na ala awe, me ala yeda na ni pepe. Aye so mbi yeke sara na iri ti Babâ ti mbi ayeke tene tënë na ndö ti mbi.

Jean 10:31

Tongaso azuife akiri amu têne ti bo na Jésus.

Jean 10:33

Azuife akiri tënë, atene: “E ye ti bo mo ngbanga ti mbeni nzoni ye ni pepe, me ngbanga ti so mo zonga Nzapa: mo yeke gi zo senge, me mo ye ti sara tere ti mo Nzapa!”

Jean 10:37

Tongana mbi sara pepe aye so Babâ ti mbi amu na mbi ti sara, ayeke nzoni ala yeda na tënë ti mbi pepe!

Jean 5:36

Me ambeni ye ayeke daa so atene tënë na ndö ti mbi ahon ti Jean. Aye ni ayeke aye so Babâ wani amu na mbi ti sarango ni; mbi yeke sara aye ni si aye ni ayeke fa so Babâ laa atokua mbi.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

1 Jean 3:12

E sara ye tongana Kain pepe: lo yeke zo ti Sioni wato si lo fâ ita ti lo Abel. Ngbanga ti nyen si lo fâ lo? Ngbanga ti so ye so Kain ayeke sara, ayeke sioni si ti ita ti lo ayeke mbirimbiri.