Jean 10:30 - Mbeti ti Nzapa - Tënë so amu fini

³⁰ Mbi na Babâ, e yeke oko.”

Jean 10:30 ပူးပေါင်းရင်းမြစ်များ

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Jean 10:29

Babâ ti mbi so amu ala na mbi, lo yeke kota ahon ye kue; zo oko ayeke na ngangu ti gboto ala na maboko ti Babâ pepe.

Jean 10:36

Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

Jean 14:9

Jésus akiri tënë, atene: “Aninga mingi so mbi yeke na popo ti ala. Philippe, ade mo hinga mbi pepe? Zo so abaa mbi, andaa lo baa Babâ awe. Ngbanga ti nyen laa mo kiri mo hunda mbi, mo tene: ‘Fa na e Babâ’ so?

Jean 16:15

Ye so kue Babâ ayeke na ni, ayeke ti mbi. Ndani laa mbi tene: ‘Fade Yingo ayeke wara ye so ayeke ti mbi si lo yeke tene na ala.’ ”

Jean 17:10

Ye ti mbi kue ayeke ti mo si ye ti mo kue ayeke ti mbi, nilaa azo ayeke baa gonda ti mbi na lege ti ala.

Jean 5:17

Me Jésus akiri tënë na ala: “Babâ ti mbi ayeke sara kua lakue, mbi nga, mbi yeke sara kua.”

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Jean 8:58

Jésus akiri tënë na ala, atene: “Biani, mbi tene na ala taa-tënë: kozo si a du Abraham, ‘Mbi Yeke.’ ”

Ndia ti fani use ni 6:4

“Ala azo ti Israel, ala ma! KOTA GBIA Nzapa ti e ayeke oko KOTA GBIA.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Tite 2:13

si e zia be ti e ti ku nzoni lango so fade e yeke baa kota Nzapa ti e na Wasongo e, Jésus Christ, na ya ti gonda ti lo.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

1 Jean 5:7

Ala yeke ota so ayeke fa atene, ye ni ayeke taa-tënë: