Jean 10:25 - Mbeti ti Nzapa - Tënë so amu fini

²⁵ Jésus akiri tënë na ala, atene: “Mbi tene na ala awe, me ala yeda na ni pepe. Aye so mbi yeke sara na iri ti Babâ ti mbi ayeke tene tënë na ndö ti mbi.

Jean 10:25 ပူးပေါင်းရင်းမြစ်များ

Jean 10:32

Lo hunda ala, lo tene: “Na dawa ti ala, mbi sara anzoni ye mingi so alondo na Babâ. Ti so wa laa ala ye ti bo mbi na têne ngbanga ni so?”

Jean 10:37

Tongana mbi sara pepe aye so Babâ ti mbi amu na mbi ti sara, ayeke nzoni ala yeda na tënë ti mbi pepe!

Jean 10:38

Me tongana mbi yeke sara ni, ataa ala yeda na tënë ti mbi pepe, ayeke nzoni ala yeda na aye so mbi yeke sara si ala hinga so mbi na Babâ, e ga oko.”

Jean 11:47

Tongaso afarizien na akota wayango-sandaga airi *Kota Bongbi ti Fango Ngbanga, ala tene: “Fade e yeke sara nyen? Koli so ayeke sara aye ti kpene mingi!

Jean 12:37

Ataa aye ti kpene so kue Jésus asara na le ti azo ni, ala ma na be na lo pepe.

Jean 14:11

Ala ma na be so mbi na Babâ, e yeke oko. Tongana ala ma na be na mbi pepe, ala ma na be ndali ti aye so mbi sara.

Jean 20:30

Jésus asara ambeni ye ti kpene mingi na le ti adisiple ti lo so a su tënë ni na ya ti mbeti so pepe.

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Jean 7:31

Na popo ti gba ti azo so, ambeni mingi ama na be na lo; ala tene: “Tongana Mesii aga, fade lo yeke sara aye ti kpene ahon ti koli so?”

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Jean 8:24

Ndani laa mbi tene na ala, mbi tene, ala yeke kui ande na ya ti siokpari ti ala. Biani, tongana ala ma na be pepe so ‘Mbi Yeke’, fade ala yeke kui na ya ti siokpari ti ala.”

Jean 8:56

Abraham, babâ ti ala, awara ngia ando mingi, ngbanga ti so lo ku ti baa lango ti gango ti mbi. Lo baa ni si be ti lo asi na ngia.”

Jean 8:58

Jésus akiri tënë na ala, atene: “Biani, mbi tene na ala taa-tënë: kozo si a du Abraham, ‘Mbi Yeke.’ ”

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.